'/%3E%3C/svg%3E){kind=small}
ကုလသမဂ္ဂအတွင်းရေးမှူးချုပ်ရဲ့မြန်မာနိုင်ငံဆိုင်ရာအထူးကိုယ်စားလှယ်အသစ်ခန့်အပ်ခြင်းကို အမျိုးသားညီညွတ်ရေးအစိုးရ (NUG)က ကြိုဆိုကြောင်းသဝဏ် လွှာပေးပို့တယ်လို့ NUG နိုင်ငံခြားရေးဝန်ကြီးဌာနက သတင်းထုတ်ပြန်ပါတယ်။
ပြီးခဲ့တဲ့ အောက်တိုဘာ ၂၅ ရက်မှာ ကုလသမဂ္ဂအထွေထွေအတွင်းရေးမှူးချုပ်ရဲ့ မြန်မာနိုင်ငံဆိုင် ရာအထူးကိုယ်စားလှယ်အဖြစ် စင်ကာပူနိုင်ငံသူ ဒေါက်တာနိုလန်းဟေးဇာကို ခန့်အပ်ကြောင်း ကြေညာခဲ့ပြီး အဲဒီခန့်အပ်မှုကို ကြိုဆိုကြောင်း အမျိုးသားညီညွတ်ရေးအစိုးရကိုယ်စား နိုင်ငံခြားရေးဝန်ကြီး ဒေါ်ဇင်မာအောင်က သဝဏ်လွှာပေးပို့တာလို့ ဆိုပါတယ်။
သဝဏ်လွှာမှာ အထူးကိုယ်စားလှယ်အသစ်နဲ့ အတူပူးပေါင်းဆောင်ရွက်ပြီး မြန်မာနိုင်ငံမှာ လက်ရှိဖြစ်ပေါ်နေတဲ့ ပြဿနာတွေကို အတူပူးပေါင်းအဖြေရှာကြဖို့ အချက်တွေပါဝင်တယ်လို့ ထုတ်ပြန်ချက်မှာ ဖော်ပြပါတယ်။
အထူးကိုယ်စားလှယ်ဟောင်း ဆွစ်ဇာလန်သံတမန် ခရစ်တင်းရှယန်နာဘာဂျီနာဟာ သုံးနှစ် ကျော်ကြာ တာဝန်ထမ်းဆောင်ခဲ့ပြီး မြန်မာစစ်တပ်က တရားမဝင်အာဏာ သိမ်းအပြီးမှာ မြန်မာနိုင်ငံကို ဝင်ရောက်ခွင့် မရရှိခဲ့ပါဘူး။
Public Service Announcement
ခရစ်တင်းရှယန်နာဘာဂျီနာဟာ ပြီးခဲ့တဲ့ အောက်တိုဘာ ၂၂ ရက်မှာ ၎င်းရဲ့ အထူးကိုယ်စားလှယ်တာဝန်နဲ့ အထွေထွေညီလာခံကို နောက်ဆုံးတင်သွင်းတဲ့အစီရင်ခံစာမှာ ကာကွယ်ရေးဦးစီးချုပ်(မင်းအောင်လှိုင်) နဲ့ တပ်မတော်လက်အောက်မှာ မြန်မာနိုင်ငံအတွက် တည်ငြိမ်ပြီး အလားအလာကောင်း ရှိလာမှာမဟုတ်ဘူးလို့ ထည့်သွင်းပြောကြားခဲ့ပါတယ်။
မင်းအောင်လှိုင်အနေနဲ့ သူ့တိုင်းပြည်အနာဂတ်ကို အမှန်တကယ်အလေးထားတယ်ဆိုရင် သူ့အနေနဲ့ ရာထူးကဆင်းပေးပြီး မြန်မာပြည်သူတွေရဲ့ ဆန္ဒနဲ့အညီ အရပ် သားအစိုးရထံ အာဏာလွှဲ ပေးဖို့ ခရစ်တင်းရှယန်နာဘာဂျီနာက တိုက်တွန်းခဲ့ပါတယ်။
