စစ်ကိုင်းတိုင်း မြောင်မြို့နယ် ပေါက်ချောင်းကျေးရွာနှင့် မြစ်ဆုံကျေးရွာတို့တွင် အကြမ်း ဖက်စစ်ကောင်စီတပ်နှင့် တိုက်ပွဲဖြစ်ပွားရာ စစ်ကောင်စီတပ်သား ၁၅ ဦး
ခန့်သေဆုံးကြောင်း နှလုံးလှလူမိုက်ကြီးများအဖွဲ့က ထုတ်ပြန်သည်။
“အင်းဆက် တိုက်ပွဲ”ဟု ပြည်သူ့ကာကွယ်ရေးအဖွဲ့များက အမည်မှည့်ခဲ့သော အောက်တိုဘာ ၃၀ ရက်တိုက်ပွဲကိုနှလုံးလှလူမိုက်ကြီးများအဖွဲ့ ၊ Burmese Guerrilla Force-BGF ၊ CDSOM ၊ Myaung WOMEN Warriors-M2W၊ Taloke PDF နှင့် MGN Ranger တို့ ပူးပေါင်း တိုက်ခိုက်ခဲ့ကြသည်။
ပြည်သူ့တပ်ဖွဲ့များ အနက် မှ Burmese Guerrilla Force-BGF ခေါင်းဆောင်
စနိုက်ဘာ ရဲဘော်ဟိန်းသီဟအောင်လည်း ကျဆုံးခဲ့သည်။
နွေဦးတော်လှန်ရေးမှယခုလက်နက်ကိုင်တော်လှန်ရေးအထိ စစ်အာဏာရှင်စနစ်ဆိုး မုတ်ချကျဆုံးရမည်ဆိုသော ယုံကြည်ချက်အပြည့်ဖြင့်တိုက်ပွဲဝင်ခဲ့သော KPDFအဖွဲ့ဝင် Burmese Guerrilla Force-BGF ခေါင်းဆောင်ရဲဘော်ဟိန်းသီဟအောင် သည် အောက်တိုဘာ ၃၀ ရက်တွင် ရှေ့ တန်း၌ ကျဆုံးခဲ့သဖြင့်အထူးပင်ဝမ်းနည်းကြေကွဲရသည်ဟု နှလုံးလှလူမိုက်ကြီးများအဖွဲ့က ဖော်ပြထားသည်။
Public Service Announcement
ရဲဘော်ဟိန်းသီဟအောင်သည်တိုက်ပွဲတွင်စနိုက်ဘာဖြင့် လေးချက်ပစ်ခဲ့၍ စစ်ကောင်စီ တပ်သားလေးဦး သေဆုံးခဲ့ပြီးနောက် တိုက်ပွဲပြင်းထန်လာခဲ့ချိန်တွင် အကြမ်းဖက်စစ်ကောင်စီဘက်မှ စနိုက်ဘာသမား၏ကျည်ဆံထိမှန်ခံခဲ့ရ၍ တိုက်ပွဲအတွင်းမှကယ်တင်နိုင်ခဲ့သော်လည်း ဆေးဝါးမပြည့်စုံခြင်းနှင့် ဆရာဝန် လိုအပ်ချက်များကြောင့် အာဇာနည်ဘွဲ့ခံယူခဲ့ကြောင်း ထုတ်ပြန်ချက်၌ ဖော်ပြသည်။
ရဲဘော်ဟိန်းသီဟအောင် (ခ) ရဲဘော်အင်းဆက်သည် မြင်းခြံတက္ကသိုလ် ဇိဝဗေဒ ၊ဒုတိယနှစ် ကျောင်းသားတစ်ဦးဖြစ်ပြီးကရင်နီပြည်တွင် စစ်သင်တန်းလာတက်ပြီးKarenni People Defense Force – KPDF ရဲဘော်အဖြစ် မေလမှ အောက်တိုဘာလအထိ တာဝန်ထမ်းဆောင်ခဲ့ပြီး ဒေါငံခါးတိုက်ပွဲတွင်ပါဝင် တိုက်ခိုက်ခဲ့သည်။
ထိုမှတဆင့် Burmese Guerrilla Force – BGF အဖွဲ့တွင် ဆက်လက်တာဝန်ထမ်းဆောင်နေရာမှစစ်အာဏာရှင်တော်လှန်ရေး ရှေ့တန်းစစ်မြေပြင် အသက်စွန့်ကာ တာဝန်ထမ်းဆောင်ခဲ့သူဖြစ်သည်။
၎င်းနှင့် ဆက်စပ်၍ ကျောက်းသားသမဂ္ဂများအပါအဝင် သက်ဆိုင်ရာအဖွဲ့အစည်းအသီးသီးမှာ ဂုဏ်ပြုသည့် မှတ်တမ်းလွှာများ ထုတ်ပြန်ထားသည်။
