မိုးကုတ်တွင် ကျောက်ကမ်းပါးပြိုကျ၊ လူနှစ်ဦးပိတ်မိရာ တစ်ဦးကိုကယ်ထုတ်နိုင်ပြီး ကျန်တစ်ဦးကိုကယ်ထုတ်နေ

မိုးကုတ်မြို့နယ်တွင် ကျောက်ကမ်းပါးယံ ပြိုကျပြီး နေအိမ်နှစ်လုံးပိမိ၍ လူနှစ်ဦးပိတ်မိခဲ့ရာ တစ်ဦးကို ကယ်ထုတ်နိုင်ပြီး တစ်ဦးကိုကယ်ထုတ်နေဆဲဖြစ်ကြောင်းဒေသခံများက ပြောသည်။

ယနေ့( နိုဝင်ဘာလ ၂ရက် )နံနက် ၇ နာရီဝန်းကျင်က မိုးကုတ်မြို့နယ် ရွှေဂူရပ်ကွက် ရွာသစ်ရပ်တွင် ကျောက်ကမ်းပါးယံသည် နေအိမ်နှစ်လုံးပေါ်သို့ ပြိုကျပြီး အမျိုးသားတစ်ဦးတစ်ဦးနှင့် အမျိုးသမီးတစ်ဦး ပိတ်မိခဲ့သည်။ နာရီဝက်အကြာတွင် အမျိုးသမီးအား ကယ်ဆယ်နိုင်ခဲ့ပြီး ကျန်အမျိုးသားအား ကယ်ဆယ်နေဆဲကြောင်း ဒေသခံ လူမှုကူညီရေးအသင်းတာဝန်ရှိသူက ပြောသည်။

“အမျိုးသမီးလူနာကိုတော့ မိုးကုတ်ပြည့်သူ့ဆေးရုံပို့ထားတယ်။ နောက်တစ်ယောက်ကတော့ ကယ်နေတုန်းပဲ”ဟု ဒေသခံကယ်ဆယ်ရေးအဖွဲ့ဝင်တစ်ဦးက ပြောသည်။

မိုးကုတ်မြို့တွင် ပြီးခဲ့သည့်မိုးတွင်းကာလကလည်း မြေပြိုကျမှုများဖြစ်ပွားကာ လူနေအိမ်များပိမိ၍ လူသေဆုံးထိခိုက်မှုများ ရှိခဲ့သည်။

Public Service Announcement