ရှမ်းပြည်နယ်တောင်ပိုင်း ဖယ်ခုံမြို့နယ်နှင့် ပင်လောင်းမြို့နယ်အစပ်ရှိ လွယ်ဟွဲရွာကို အာဏာသိမ်းစစ်ကောင်စီတပ်က မီးရှို့နေကြောင်း ကရင်နီအမျိုးသားကာကွယ် ရေးတပ်ဖွဲ့(KNDF)ပြောရေးဆိုခွင့်ရှိသူက အတည်ပြုသည်။
နိုဝင်ဘာ ၂ရက်ညပိုင်းက အာဏာသိမ်းစစ်ကောင်စီတပ်များ တပ်စွဲနေထိုင်ခဲ့သည့် လွယ်ဟွဲကျေးရွာတွင် နိုဝင်ဘာ ၃ရက် နေ့လည်ပိုင်းက မီးစတင်လောင်ကျွမ်းနေခြင်းဖြစ်သည်။
“လောလောဆယ် သူတို့ ရှို့နေပြီ ဘယ်နှစ်လုံးရှိပြီလဲဆိုတာကတော့ အတိအကျတော့ မသိသေးဘူး။ ရှို့တာတော့ အမှန်ပဲ”ဟု KNDF ပြောရေးဆိုခွင့်ရှိသူက ပြောသည်။
စစ်ကောင်စီတပ်အနေဖြင့် ပြောစရာစကားမရှိအောင်ပင် ယုတ်မာနေ၍ ယခုကဲ့သို့ မီးရှို့သည့်အပေါ် မှတ်ချက်မပေးချင်ဟု ၎င်းက ဆိုသည်။ တိုက်ပွဲဖြစ်ပွားမှုမရှိဘဲ မီးရှို့ခြင်းဖြစ်သည်ဟုလည်း KNDF တာဝန်ရှိသူက ပြောသည်။
Public Service Announcement
အကြမ်းဖက်စစ်ကောင်စီတပ်သည် ချင်းပြည်နယ်၊ စစ်ကိုင်းနှင့် မကွေးတိုင်းရှိ မြို့နှင့် ကျေးရွာများကို မီးရှို့ဖျက်ဆီးမှုများ ပြုလုပ်နေသည်။
