လှိုင်သာယာဘက်သို့အဝင် ဘုရင့်နောင် တံတား အမှတ် ၂ အဆင်းတွင် ယနေ့နံနက်၌ အကြမ်းဖက်စစ်ကောင်စီဝင်များက စစ်ဆေးမှုများပြုလုပ်နေသောကြောင့် လမ်းပိတ်ဆို့ မှုဖြစ်ပေါ်နေကြောင်း ယင်းနေရာသို့ ရောက်ရှိနေသူတစ်ဦးကပြောသည်။
အကြမ်းဖက်စစ်ကောင်စီတပ်ဖွဲ့ဝင်များက ဖြတ်သန်းလာသည့် အိမ်စီးကား၊ အငှားကား၊ YBS ကားအားလုံးကို စစ်ဆေးနေခြင်းဖြစ်ပြီး မသင်္ကာသူများကို တစ်ဦးချင်းစစ်ဆေးမှုများရှိကြောင်း လှိုင်သာယာ သတင်းများကို ဖော်ပြပေးသည့် HTY Information ၏ ဖေ့စ်ဘွတ်၌ ရေးသားထားသည်။
အကြမ်းဖက်စစ်ကောင်စီတပ်ဖွဲ့ဝင်များသည် အောက်တိုဘာ လကုန်ပိုင်းမှစတင်၍ လှိုင်သာယာ မြို့နယ်အတွင်းမှ ကျူးကျော်များကို အင်အားသုံး၍ ဖယ်ရှားခဲ့ပြီး ယင်းတံတားကိုလည်း မကြာခဏပိတ်ဆို့တာတွေလုပ်နေတာကြောင့် သွားလာရေးအတွက် အခက်အခဲများရင်ဆိုင်နေရသည်။
