မန္တလေးမြို့ မဟာအောင်မြေကျောက်ဝိုင်းနှင့် ဦးပေစိဘုရားအနီးတွင် ယနေ့(နိုဝင်ဘာ ၅)နေ့လည်ပိုင်းက ဗုံးပေါက်ကွဲမှုထပ်မံဖြစ်ပွားခဲ့သည်။
ဗုံးပေါက်မှုဖြစ်ပွားသည့်နေရာမှာ ၃၈ လမ်း ၈၇လမ်းနှင့် ၈၈လမ်းကြားတွင်ဖြစ်ပြီး ယင်းပေါက်ကွဲမှုကြောင့် ကျောက်သမားများ ကျောက်ဝိုင်းအတွင်းမှ ပြေးထွက်သွားကြသည်ဟု မျက်မြင်တွေ့သူရှိများက ပြောသည်။
အဆိုပါကျောက်ဝိုင်းအနီးတွင် ယမန်နေ့(နိုဝင်ဘာ ၄ ရက်)ကလည်း ဗုံးပေါက်ကွဲမှုဖြစ်ပွားခဲ့ရာ စစ်ကောင်စီလက်အောက်ခံ ရဲတပ်ကြပ်တစ်ဦးသေဆုံးကာ တစ်ဦးဒဏ်ရာရရှိခဲ့သည်။
ယနေ့ပေါက်ကွဲမှုဖြစ်စဉ်တွင် ထိခိုက်ဒဏ်ရာရရှိမှုအခြေအနေအသေးစိပ် မသိရသေးသော်လည်း ပေါက်ကွဲမှုဖြစ်ပွားရာ ဦးပေစိဘုရားဝင်းသည် စစ်ကောင်စီတပ်များ တပ်စွဲခဲ့သည့်နေရာတစ်ခုဖြစ်ကြောင်း စုံစမ်းသိရသည်။
Public Service Announcement
ယင်းဘုရားဝင်းသို့ ယနေ့နံနက်ပိုင်းကပင် စစ်ကားနှစ်စီးရောက်ရှိလာပြီး ၎င်းတို့လာရောက်ပြီးနောက် ပေါက်ကွဲမှုဖြစ်ပွားခဲ့ခြင်းဖြစ်ကြောင်း ဒေသခံများက ဆိုသည်။
