သြဂုတ် – ၁၉ ၊၂၀၂၆ /People’s Spring
မန္တလေးမြို့၊မဟာအောင်မြေမြို့နယ်၊ ဒေးဝန်းအရှေ့ရပ်ကွက်ရှိ ကျောက်ဝိုင်းမှာ ကျောက်မျက်ရောင်းဝယ်ရေးသမားတစ်ဦး ဒီနေ့(သြဂုတ်လ ၁၉ ရက်) မနက်ပိုင်းက ဓားထောက်လုယက်ခံရမှုဖြစ်ပွားခဲ့တယ်လို့ကျောက်သမားအချို့ဆီက သိရပါတယ်။
ဒီမနက်၁၀ နာရီအချိန်ခန့်မှာ ၈၆×၈၇လမ်း ကြား၊ ၃၉×၄၀လမ်းကြားရှိ မဟာအောင်မြေကျောက်ဝိုင်းမှာကျောက်ရောင်းဝယ်နေသူတစ်ဦးကို အမျိုးသားနှစ်ဦးက ဓားထောက်ပြီး ကျောက်ဝိုင်းအပြင်ခေါ်ထုတ်ကာလုယက်မှုကျုးလွန်ခဲ့တာပါ။
အသက် ၄၀ ကျော်အရွယ်ရှိကျောက်သမားကိုအမျိုးသားနှစ်ဦးက PDF တွေနဲ့ပတ်သက်ပြီးတိုင်ကြားခံထားရတယ်ဆိုတာကိုအကြောင်းပြကာ ပြည်သူစစ်ဦးထုပ်(စစ်တပ်လက်ဝေခံ ပျုစောထီးတပ်ဖွဲ့)ပြပြီးနောက် ဓားထောက်ကာ အပြင်ခေါ်ထုတ်သွားခဲ့တာလို့ သိရပါတယ်။
Public Service Announcement
ကျောက်ဝိုင်းအပြင်ဘက် ၃၉လမ်း၊ ၈၅လမ်း နဲ့ ၈၇ လမ်းကြားအရောက်မှာတော့ကျောက်သမားဆီကကျောက်စိမ်းအချောထည်နှစ်ပွင့်၊ကျောက် စိမ်းဆွဲကြိုး နှစ် ကုံး ၊ လည်ဆွဲ တစ်ကုံး ၊ လက် စွပ် နှစ်ကွင်း ၊ ကျောက် စိမ်းနားကပ်တစ်စုံစုစုပေါင်းကာလတန်ဖိုးသိန်းငါးရာဖိုးနဲ့ ငွေကျပ် တစ်သိန်းကျော်ကို လုယက်ထွက်ပြေးသွားတာပါ။
အဲဒီလုယက်မှုအတွက်စစ်တပ်လက်အောက်ခံ ရဲစခန်းမှာ အမှုဖွင့်ထားတယ်လို့သိရပါတယ်။
မန္တလေးကျောက်ဝိုင်းမှာ လတ်တလော မိုးတွင်းကာလ ဖြစ်သလို ဖားကန့်လမ်းပိုင်းပိတ်ထားမှုတွေကြောင့် ကျောက်အရောင်းအဝယ် လုပ်ငန်း သိသိသာသာအေးနေပြီး တဖက်မှာလည်း အခုလိုလုယက်မှု သတင်းကြောင့် စိုးရိမ်မှုတွေ ဖြစ်လာနိုင်တယ်လို့ ကျောက်သမားအချို့က ပြောပါတယ်။
