စစ်ကိုင်းတိုင်း၊ ပင်လည်ဘူးမြို့နယ်တွင် အကြမ်းဖက်စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်PDFတို့ နှစ်ရက်ဆက်တိုက်ပွဲဖြစ်ပွားရာ အကြမ်းဖက်စစ်ကောင်စီတပ်ဘက်မှ ၄၀နှင့် ၅၀ ဦးကြားသေဆုံးကြောင်းPinlebu Revolution ထုတ်ပြန်သည်။
“ဒီနေ့ ( နိုဝင်ဘာ ၆ ရက်)မနက် တိုက်ပွဲ အတွင်းရောမနေ့ က အပါအဝင် စစ်ခွေး ၄၀ နဲ့ ၅၀ ကြားသေတယ်။စစ်ကြောင်း (၄)ကြောင်းဖြင့် ထိုးစစ်ဆင်နေလို့လက်နက်ခဲယမ်းမရရှိပါဘူး”ဟု Pinlebu Rev olutionက ပြောသည်။
နိုဝင်ဘာလ ၅ ရက် နံနက်ခင်းပိုင်းက ပင်လည်ဘူးမြို့နယ် မလိမ်းတုံး၊ပင်တုံးကျေးရွာအနီးတွင် တိုက်ပွဲဖြစ်ပွားရာ ယနေ့နံနက်ပိုင်းအထိ ဆက်လက်ဖြစ်ပွားနေဆဲဖြစ်ပြီး PDFဘက်မှလည်း ယမန်နေ့က တစ်ဦး၊ ယနေ့ လေးဦး ကျဆုံးကြောင်း၊ စစ်ကောင်စီဘက်မှ အယောက်လေးဆယ်ကျော် ငါးဆယ်နီးပါး သေဆုံးနိုင်ကြောင်းထုတ်ပြန်ချက်တွင်ဖော်ပြထားသည်။
ပြည်သူ့ကာကွယ်ရေးတပ်ဖွဲ့မှ ပြည်သူများနှင့် ဖက်ဒရယ်ဒီမိုကရေစီနိုင်ငံအတွက်ကျဆုံးခဲ့သူများမှာ ရွှေဘိုနယ်မှနှစ်ဦး၊ရေဦးနှင့်ခင်ဦး မြို့နယ်က နှစ်ဦး၊စစ်ကိုင်းမြို့နယ်မှတစ်ဦးဖြစ်ကြောင်းလည်းပါရှိသည်။
ထို့အပြင်ပင်လည်ဘူးနှင့် ကောလင်း ဒေသကို အကြမ်းဖက်စစ်ကောင်စီက အင်အား ၇၀၀ ထက်မနည်းသောစစ်ကြောင်းလေးကြောင်းဖြင့်ထိုးစစ်ဆင်နေကြောင်းလည်း Pinlebu Revolution က အသိပေးသည်။
“ကောလင်းမှာလက်ရှိ အနောက်ခြမ်းကိုဝိုင်းနေတဲ့အင်အားကိုခင်ဗျားတို့သိပါသလား ။လာကာမှာမနေ့ကတိုက်ပွဲမှာ ခွေးအင်အားက ၁၇၀ ဝန်းကျင် ၊ကောလင်းကနေဆင်းလာတာက ဂွေးချိုမှာ ၁၀၀ ကျော် ၊ပင်လည်ဘူးနှင့်ကောလင်းအစပ်မှာ စစ်ကြောင်းထိုးနေတာ ၂၀၀ နီးပါး၊ ချပ်သင်းဘေးမဲ့တော့မှာ တစ်ဖွဲ့ကို တစ်ရာဝန်းကျင်နှစ်ဖွဲ့ကောလင်းအရှေ့မှာရော ရှိတဲ့အင်အား မြို့ထဲကခွေး အနည်းငယ်ဝန်းသို ၁၂၀ လာရာလမ်းကြောင်းတစ်လျှောက်တပ်စိတ်နှစ်ခုစာ လုံခြုံ ရေးယူပေးထားသေးတယ်”ဟု ပင်လည်ဘူး ပြည်သူ့ကာကွယ်ရေး၏ ထောက်ပို့ မှ တာဝန်ရှိသူတစ်ဦးက ပြောသည်။
ယခုလက်ရှိအချိန်ထိ ယင်းဒေသတွင် အကြမ်း ဖက်စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်PDFတို့ စစ်ရေးတင်းမာနေဆဲဖြစ်ကြောင်းသိရသည်။