ကရင်ပြည်နယ်စစ်ကောင်စီ ဥက္ကဋ္ဌ ကိုဗစ်ရောဂါကူးစက်ခံနေရပြီး ဆေးကုသမှုခံယူနေရတာကြောင့် ပြည်နယ်နေ့အခမ်းအနားဖွင့်ပွဲကို တက်ရောက်ဖွင့်လှစ်နိုင်ခြင်းမရှိခဲ့ဘူးလို့ သိရပါတယ်။
ကရင်ပြည်နယ်စစ်ကောင်စီ ဥက္ကဋ္ဌ ဦးစောမြင့်ဦးတို့မိသားစုဟာ ပြီးခဲ့တဲ့ရက်ပိုင်းက ကိုဗစ်ကူးစက်ခံနေရပြီး ဘားအံဆေးရုံကိုဗစ်ဆောင်မှာ ဆေးကုသမှုခံယူနေရတာဖြစ်တယ်လို့ စစ်ကောင်စီနဲ့နီးစပ်တဲ့သူတွေက ပြောပါတယ်။
ဦးစောမြင့်ဦး ကိုဗစ်ကူးစက်ခံနေရတာကြောင့် ဒီကနေ့မှာ ပြည်နယ်စစ်ကောင်စီက ကျင်းပပြုလုပ်တဲ့ (၆၆) နှစ်မြောက် ကရင်ပြည်နယ်နေ့ အခမ်းအနားဖွင့်ပွဲမှာ မပါဝင်ဘဲ လုံခြုံရေးနဲ့နယ်စပ်ရေးရာဝန်ကြီး ဗိုလ်မှူးကြီးမျိုးမင်းနောင်နဲ့ ဝန်ကြီးတွေသာဦးဆောင်ပြီး ဖွင့်လှစ်ခဲ့ကြရတာဖြစ်ပါတယ်။
