အမျိုးသားညီညွတ်ရေးအစိုးရ(NUG)က စစ်အာဏာရှင်ဆန့်ကျင်ရေး ခုခံတော်လှန်စစ် စတင်ကြောင်း ကြေညာပြီး ၂လအတွင်း ရန်ကုန်တိုင်းတွင် စစ်ကောင်စီနှင့် ပတ်သက်သည့် စစ်ရေး၊ နိုင်ငံရေး၊ စီးပွားရေးပစ်မှတ် ၄၄၃ ခုကို တိုက်ခိုက်ခဲ့သည်ဟု ရန်ကုန်တိုင်းစစ်ဒေသခွဲ ကွပ်ကဲရေးအဖွဲ့က ထုတ်ပြန်သည်။
ရန်ကုန်တိုင်းအတွင်း စက်တင်ဘာ ၇ရက်မှ နိုဝင်ဘာ ၆ရက်အထိ ၂လ တာဖြစ်ပွားခဲ့သည့် ခုခံတော်လှန်ရေး ဖြစ်စဉ်များကို အရှေ့ပိုင်းခရိုင်၊ အနောက်ပိုင်းခရိုင်၊ တောင်ပိုင်းခရိုင်နှင့် မြောက်ပိုင်း ခရိုင်ဟူ၍ ခရိုင်လေးခု ခွဲ၍ ဖြစ်စဉ်များကို ထုတ်ပြန်ခဲ့သည်။
ခရိုင်လေးခုတွင် စစ်ကောင်စီပစ်မှတ်များကို တိုက်ခိုက်ရာ နိုင်ငံရေးပစ်မှတ် ၁၇၀ခု ၊ စစ်ရေးပစ်မှတ် ၂၃၉ ခု နှင့် စီးပွားရေး ပစ်မှတ် ၃၄ခု တို့ကို တိုက်ခိုက်ခဲ့ခြင်းဖြစ် သည်ဟု ဆိုသည်။
ထိုသို့ တိုက်ခိုက်ခဲ့ခြင်းကြောင့် တပ်နှင့် ရဲမှ သေဆုံးသူ ၃၉ဦး၊ ဒဏ်ရာရ ၇၃ဦး ရှိပြီး စစ်ကောင်စီလက်ပါးစေ များ သေဆုံးမှုမှာ ၅၄ဦး ရှိပြီး ဒဏ်ရာရသူ ၃၀ ဦးရှိကြောင်း ဖော်ပြထားသည်။ တော်လှန်ရေးတပ်ဖွဲ့ဝင်နှစ်ဦး ကျဆုံးခဲ့ပြီး ၁၂ဦး ဒဏ်ရာရရှိခဲ့ကြောင်းလည်း ထုတ်ပြန်ခဲ့သည်။
Public Service Announcement
