စစ်ကိုင်းတိုင်း ကောလင်းမြို့နယ်တွင် အကြမ်းဖက်စစ် ကောင်စီနှင့် ပြည်သူ့ကာကွယ်ရေးတပ်ဖွဲ့များ တိုက်ပွဲ ဖြစ်ပွားနေပြီး စစ်တပ်က ဂျက်လေယာဥ်ပါအသုံးပြု ထိုးစစ်ဆင်နေကြောင်း Kawlin Revolutionက ယနေ့ ညနေပိုင်းတွင် ထုတ်ပြန်သည်။
နိုဝင်ဘာ ၇ ရက် နေ့လည်ပိုင်းကစ၍ ကောလင်းဒေသ အနောက်ခြမ်းထိန်အင်းကျေးရွာဘက်သို့ ဆင်းလာသည့် စစ်ကောင်စီတပ်ကို ပြည်သူ့ကာကွယ်ရေးတပ်များက စတင် တိုက်ခိုက်နိုင်ခဲ့သည်။
ထို့နောက် အထိနာနေသည့် စစ်တပ်က ဂျက်လေယာဥ် ပါအသုံးပြုတိုက်ခိုက်နေခြင်းဖြစ်ကြောင်း ကောလင်းပြည်သူ့ကာကွယ်ရေးတပ်ဖွဲ့ဝင်တစ်ဦးက PSသို့ ပြောသည်။
“မြေပြင်မှာ မနိုင်တော့ လေယာဥ်ပါသုံးတယ်။ အထိ အခိုက် အသေအဆုံးစာရင်း မသိရသေးဘူး”ဟု ၎င်းက ပြောသည်။
Public Service Announcement
အကြမ်းဖက်စစ်ကောင်စီတပ်သည် ပင်လည်ဘူးနှင့် ကောလင်မြို့နယ် ဒေသတစ်ဝိုက်ကို နိုဝင်ဘာ ၅ ရက်က စ၍ ထိုးစစ်ဆင်နေခြင်းဖြစ်သည်။
ထို့ကြောင့် ဒေသတွင်း ပြည်သူ့ကာကွယ်ရေးတပ်များပူးပေါင်းကာ စစ်ကောင်စီကို ခုခံစစ်ဆင်နွှဲနေပြီး နိုဝင် ဘာ ၅ ရက် နှင့် ၆ရက်အတွင်း စစ်ကောင်စီတပ်သား ၅၀ ထက်မနည်း သေဆုံးကာ ပြည်သူ့ကာကွယ်ရေးတပ်သား ၅ ဦး ကျဆုံးခဲ့သည်။
ထို့အပြင် ပင်လည်ဘူးနှင့် ကောလင်းဒေသကို အကြမ်း ဖက်စစ်ကောင်စီက အင်အား ၇၀၀ ထက်မနည်းသောစစ်ကြောင်းလေးကြောင်းဖြင့် ထိုးစစ်ဆင်နေကြောင်းလည်း ပြည်သူ့ကာကွယ်ရေးတပ်များက အသိပေးထားသည်။
