အာဏာသိမ်းစစ်ကောင်စီလက်အောက်မှ ရုန်းထွက်ပြီး ပြည်သူ့ရင်ခွင်ခိုလှုံရန်ဆက်သွယ် လာသော တပ်သားနှင့်ရဲ ၃၁၆ဦး တိုးလာကြောင်း အမျိုးသားညီညွတ်ရေးအစိုးရ(NUG)၏ ကာကွယ်ရေးဝန်ကြီးဌာနက ထုတ်ပြန် သည်။
အမျိုးသားညီညွတ်ရေးအစိုးရက ခုခံတွန်းလှန်စစ်စတင်ပြီ ဖြစ်ကြောင်း ကြေညာသည့် စက်တင်ဘာ၇ရက်မှ စတင်ပြီး ပြည်သူ့ရင်ခွင်ခိုလှုံလိုကြောင်း ဆက်သွယ်လာသည့် တပ်သားနှင့်ရဲ များနေ့စဉ် တိုးပွားလာနေကြောင်း ဖော်ပြထားသည်။
ယင်းအနက် အောက်တိုဘာ ၈ရက်မှ နိုဝင်ဘာ ၇ရက် အထိ တစ်လတာကာလအတွင်း ပြည်သူ့ရင်ခွင်ခိုလှုံလိုကြောင်းဆက်သွယ်လာသူ တပ်သား၁၅၅ ဦး၊ ရဲ၁၆၁ ဦး စုစုပေါင်း ၃၁၆ ရှိပြီး အဆိုပါ ကိန်းဂဏန်းသည် ပြည်သူ့ရင်ခွင်အဖွဲ့တစ်ခုထဲသို့ ဆက်သွယ်လာခြင်းဖြစ်ကြောင်း ထုတ်ပြန်သည်။
ယခင် စက်တင်ဘာ ၇ရက်မှ အောက်တိုဘာ ၇ရက်အထိ ပြည်သူ့ရင်ခွင် ခိုလှုံရန် ဆက်သွယ်လာသူအရေအတွက်မှာ တပ်သား ၄၂၉ဦး၊ ရဲ ၃၃၄ ဦး စုစုပေါင်း ၇၆၃ဦးဖြစ်ရာ နှစ်လအတွင်း ဆက်သွယ်လာသူ ၁,၀၇၉ဦး ရှိလာပြီဖြစ်သည်။
Public Service Announcement
လွတ်မြောက်နယ်မြေများနှင့်ပြည်သူ့ကာကွယ်ရေးတပ်များထံရောက်ရှိနေသော ပြည်သူ့ရင်ခွင်ခိုလှုံနေသည့် တပ်သားနှင့်ရဲများ လည်းရှိနေသေးသည်ဟု ဆိုသည်။
အာဏာသိမ်းအကြမ်းဖက်စစ်ကောင်စီ၏တပ်နှင့်ရဲဌာနများအတွင်းမှ နေ့စဉ်အရေးကြီးသတင်းပေးပို့နေသော ပြည်သူ့ဘက်တော်သားများကိုလည်း ကာကွယ်ရေးဝန်ကြီးဌာနမှ အထူးကျေးဇူးတင်ရှိကြောင်း ထုတ်ပြန်ချက်၌ ဖော်ပြထားသည်။
