မွန်ပြည်နယ် ဘီးလင်းမြို့နယ် နတ်ကြီးကျေးရွာအနီးရှိ စစ်ကောင်စီနှင့် နယ်ခြားစောင့်တပ်ဖွဲ့(BGF)တို့ ပူးတွဲနေရာယူထားတဲ့ ဂိတ်စခန်းတစ်ခုကို ကရင်အမျိုးသားအစည်းအရုံး(KNU) တပ်မဟာ(၁) တပ်ဖွဲ့ ဝင် များက စနှိုက်ပါဖြင့် သွားရောက်ပစ်ခတ်ခဲ့ကြောင်း KNU တပ်မဟာ(၁) တာဝန်ရှိသူကအတည်ပြုသည်။
ဖြစ်စဉ်နှင့်ပတ်သက်ပြီး မြေပြင်နှင့်တိုက်ရိုက်အဆက် အသွယ်မရသော်လည်း ယနေ့(နိုဝင်ဘာ၉ရက်)နံနက်တွင် စနှိုက်ပါဖြင့် ပစ်ခတ်ခဲ့၍စစ်ကောင်စီတပ်သား နှစ်ဦးသေဆုံးခဲ့သည့် သတင်းရရှိထားကြောင်း ၎င်းကဆိုသည်။
“အဲဒီမှာ အရင်က အဲဒီ ဝါသိုးပွမ်မှာ KNU ဂိတ်ပေါ့။ KNU ဂိတ်မှာ အခုက BGFနဲ့ တပ်မတော်က သွားပြီးတော့ နေရာယူထားတယ်။ နေရာယူထားတော့ သူတို့ လာချောင်းပစ်တာနေမှာ”ဟု KNU တပ်မဟာ(၁) တာဝန်ရှိသူက ပြောသည်။
စစ်ကောင်စီတပ်သည် အဆိုပါဂိတ်နေရာမှာ လက်နက် ကြီးများ ရမ်းသမ်းပစ်ခတ်ခြင်း ပြုလုပ်ခဲ့၍ ဒေသခံ ပြည်သူလူထုများလည်း စိုးရိမ်ကြောက်ရွံ့နေကြရကြောင်း ၎င်းက ဆိုသည်။
Public Service Announcement
အောက်တိုဘာအတွင်းကလည်း တိုက်ပွဲများ ဖြစ်ပွားခဲ့ပြီး စစ်ကောင်စီတပ်မှ သေဆုံးထိုခိုက်မှုများခဲ့သည့် KNU တပ်မဟာ(၁)နယ်မြေ၌ လက်ရှိတွင်လည်း စစ်ရေးတင်းမာနေဆဲဖြစ်ကြောင်း အဆိုပါ တာဝန်ရှိသူက ပြောသည်။
