အစိုးရလျှို့ဝှက်ချက်အက်ဥပဒေနဲ့ စွပ်စွဲတရားစွဲခံထားရတဲ့ စီးပွားရေးအကြံပေးမစ္စတာရှောင်တာနယ်လ်ရဲ့အမှုကို ဒီနေ့ နေပြည်တော်က အထူးတရားရုံးမှာ စစ်ဆေးခဲ့တယ်လို့သိရပါတယ်။
ဒီအမှုမှာစွပ်စွဲခံရသူ ၅ ဦးလုံးနဲ့ ရှေ့နေတွေဟာ တရားခွင်မစတင်မီ တွေ့ဆုံခွင့်ရခဲ့ပါတယ်။
အမှုကို ချေဖျက်မယ့် ခုခံကာကွယ်ရေးလမ်းကြောင်းကို ဆွေးနွေးခဲ့ကြတယ်လို့သိရပါတယ်။
ဒေါ်အောင်ဆန်းစုကြည်က ဆွေးနွေးရာမှာရော ဘာသာပြန်ပေးရာမှာရောဦးဆောင်ခဲ့ပါတယ်။
Public Service Announcement
ဒေါ်အောင်ဆန်းစုကြည်ရဲ့စီးပွားရေးအကြံပေး ရှောင်တာနယ်လ်ကို အာဏာသိမ်းပြီး ၅ ရက်အကြာမှာ စစ်ကောင်စီက ဖမ်းဆီးကာ ထောင်ဒဏ် ၁၄ နှစ်အထိ ချနိုင်တဲ့ အစိုးရ လျှို့ဝှက်ချက်အက်ဥပဒေပုဒ်မ နဲ့ တရားစွဲဆိုခဲ့တာပါ။
ဒါအပြင် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၊ NLD အစိုးရလက်ထက် စီမံဘဏ္ဍာဝန်ကြီးတွေဖြစ်ကြတဲ့ဦးကျော်ဝင်း ၊ဦးစိုးဝင်း နဲ့ဒုတိယဝန်ကြီး ဦးဆက်အောင်တို့ကိုလည်း ဒီအမှုမှာ စစ်ကောင်စီက ထည့်သွင်းထားတာဖြစ်ပါတယ်။
အမှုမှာစွပ်စွဲခံရသူအားလုံး ဒီနေ့တွေ့ဆုံမှုအရ ကျန်းမာရေးကောင်းမွန်တယ်လို့သိရပါတယ်။
