နွေဦးတော်လှန်ရေးအထူးငွေတိုက်စာချုပ်တွေကို လာမယ့် နိုဝင်ဘာ ၂၂ ရက်မှာ စတင်ထုတ်ဝေရောင်းချသွားမယ်လို့ အမျိုးသားညီညွတ်ရေးအစိုးရ NUG က ဒီနေ့(နိုဝင်ဘာ ၁၆ရက်)ကြေညာပါတယ်။
NUG ရဲ့ ငွေတိုက်စာချုပ်တွေကို အမေရိကန်ဒေါ်လာ ၁၀၀၊ ၅၀၀၊ ၁၀၀၀ နဲ့ ၅၀၀၀ တန်အမျိုးအစားလေးမျိုးနဲ့ အတိုးမဲ့ထုတ်ဝေရောင်းချသွားမှာဖြစ်တယ်လို့ ထုတ်ပြန်ချက်မှာ ဖော်ပြပါတယ်။
ငွေတိုက်စာချုပ်တွေရဲ့ သက်တမ်းဟာ ၂ နှစ်ဖြစ်ပြီး သက်တမ်းစေ့ချိန် မတိုင်မီ တစ်ဆင့်ပြန်လည် လွှဲပြောင်း၊ ရောင်းချ၊ ဝယ်ယူခွင့် မရှိဘူးလို့ NUG ကထုတ်ပြန်ပါတယ်။
သက်တမ်းစေ့ပြီးနောက်မှာ တစ်ဆင့်ပြန်လည် လွှဲပြောင်း၊ ရောင်းချ၊ ဝယ်ယူလိုပါက သတ်မှတ်ထားတဲ့စည်းမျဉ်းစည်းကမ်းတွေနဲ့အညီဆောင်ရွက်ပိုင်ခွင့်ရှိတယ်လို့ ဆိုပါတယ်။
Public Service Announcement
မြန်မာ့မြေပေါ်ကနေ စစ်အာဏာရှင်စနစ် အပြီးတိုင်ချုပ်ငြိမ်းသွားစေဖို့ ခိုင်မာပြတ်သားတဲ့ သန္နိဌာန်နဲ့ ရဲဝံ့ယုံကြည်စွာရင်းနှီးမြှုပ်နှံမှုအတွက် သမိုင်းမှတ်တမ်းတင်တယ်လို့ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီး ဦးတင်ထွန်းနိုင်က ပြောပါတယ်။
