–စုဝေးအလေးပြုနေသော ရဲများထိခိုက်သေဆုံးနိုင်
လှိုင်သာယာမြို့နယ်ရှိ သောင်ကြီးရဲစခန်း အလံတိုင်ရှေ့ ရဲများစုဝေးအလေးပြုနေချိန် ဗုံးသီးဖြင့် ပစ်ခတ်တိုက်ခိုက်ခဲ့ကြောင်း လှိုင်သာယာမြို့ပြပြောက်ကျား တပ်ဖွဲ့(CGF-HTY)က ထုတ်ပြန်သည်။
ယနေ့(နိုဝင်ဘာ ၂၀)နံနက် ၇ နာရီ ၄၀ အချိန် သောင်ကြီးရဲစခန်း အလံတိုင်ရှေ့ စုဝေးနေသောရဲများအား M79 Grenade launcher ဖြင့် 40 mm ဗုံးသီးတစ်လုံး ပစ်ခတ်ခဲ့ရာ ရဲများထိခိုက်သေဆုံးနိုင်ခြေရှိသည်ဟု ထုတ်ပြန်ချက်တွင် ဖော်ပြသည်။
အခင်းဖြစ်ပွားရာ သောင်ကြီးရဲစခန်းသို့ စစ်ကူလာသော စစ်ကောင်စီတပ်များအား အဝေးထိန်း ဗုံးလေးလုံးဖြင့် ဆက်လက်တိုက်ခိုက်ရန် စီစဉ်ထားသော်လည်း စစ်တပ်၏ ဂျန်ပါ(မိုဘိုင်းချိတ်ဆက်မှု ဖြတ်တောက်စက်)များ မိသွားသောကြောင့် ရည်ရွယ်ချက်ပျက်ပြယ်ခဲ့ရသည်ဟုလည်း CGF-HTY က ရှင်းပြထားသည်။
Public Service Announcement
တိုက်ခိုက်မှုအားပူးတွဲလုပ်ဆောင်ခဲ့သော CGF – HTY နှင့် Spring Revolution Flames(SRF) တို့မှ မဟူရာစစ်ဆင်ရေးအဖြစ် သတ်မှတ်ကာ တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်က ဆိုသည်။
ထို့အပြင် မဟူရာစစ်ဆင်ရေးကဲ့သို့ နောက်ပိုင်း Mission များတွင်လည်း တော်လှန်ရေးအရှိန် တဆင့်ထပ်တိုးပြီး ဆက်လက်ဆောင်ရွက်မည်ဖြစ်ကြောင်း လှိုင်သာယာတော်လှန်ရေးမဟာမိတ်များက အသိပေးထားသည်။
