ရေစကြိုမြို့နယ်မှ ချောင်းဦးမြို့နယ်သို့ လာသည့် အကြမ်းဖက်စစ်ကောင်စီတပ် ကားလေးစီးပါယာဥ်တန်းအား ပဒေသာမိုင်းဖြင့်တိုက်ခိုက်ရာ စစ်ကောင်စီတပ်သား ၁၀ ဦးသေပြီး ငါးဦးအပြင်းအထန်ဒဏ်ရာရခဲ့ကြောင်း မြောင်မြို့နယ်ပြည်သူ့ကာ ကွယ်ရေးအထူးတပ်ဖွဲ့ (MSPDF)က ယနေ့ (နိုဝင်ဘာ ၂၃ ရက်) ထုတ်ပြန် သည်။
တိုက်ပွဲဖြစ်စဥ်မှာ နိုဝင်ဘာ ၂၃ ရက် နံနက် ၁၀နာရီခန့်တွင် ဆင်ဖြူရှင်-ချောင်းဦးလမ်းကြော၌ ပဒေသာမိုင်း ၇ လုံးတွဲဖြင့် ပြည်သူ့တပ်ဖွဲ့ မဟာမိတ်များက တိုက်ခိုက်ခဲ့ခြင်းဟု ဆိုသည်။
အဆိုပါ တိုက်ခိုက်မှုကြောင့် အကြမ်းဖက်စစ်ကောင်စီ ယာဥ် လေးစီးအနက် နှစ်စီးမိုင်းထိ၍ တစ်စီးနောက်ခြမ်းထိကာ တစ်စီးလုံးဝပျက်စီးသွား၍ နေရာတွင်ထားခဲ့ရသည်ဟု ထုတ်ပြန်ချက်၌ ဖော်ပြသည်။
“ကားတွေ တောင်ထားခဲ့ရတာ ။အသေအပျောက်ကတော့ သေချာသလောက်များတယ်။မိုင်းဆဲဲပီးတဲ့အချိန် သူတို့ဘက်က ပတ်ဝန်းကျင်ကို ရမ်းသမ်း ပစ်ခတ်တာတွေရှိတယ်။ ကျွန်တော်တို့ ပူးပေါင်းတပ်ဖွဲ့အနေနဲ့ ထိခိုက်မှုမရှိဘဲ ပြန်ဆုတ်ခွာနိုင်ခဲ့တယ်”ဟု MSPDF တာဝန်ရှိသူတစ်ဦးက ပြောသည်။
Public Service Announcement
ယနေ့တိုက်ပွဲကို Myaung Special People Defense Force(MSPDF)၊ ချောင်းဦးမြို့နယ် ပြည်သူ့ကာကွယ် ရေးအဖွဲ့(ChuPDF)၊ 27 Revolution Force(မြင်းခြံ) နှင့် မြောင်မြို့နယ် TGRပြည်သူ့ကာကွယ်ရေးတပ်ဖွဲ့ ပူးပေါင်းမဟာမိတ်လေးဖွဲ့က ပူးပေါင်းတိုက်ခိုက်ခဲ့ခြင်းဖြစ်သည်
