Connect with us

Hi, what are you looking for?

LuduNwayOo

News

စစ်ကောင်စီက အဖွဲ့အချို့ကို ချဉ်းကပ်ပြီး NUCCက ပဲ့ထွက်အောင် ကြိုးပမ်းနေဟု ယာယီသမ္မတပြော

အမျိုးသားညီညွတ်ရေးအစိုးရအဖွဲ့ ပုံမှန်အစည်းအဝေးကို နို၀င်ဘာ ၂၃ရက်က ပြုလုပ်ခဲ့ရာ ယင်းသို့ ထည့် သွင်း ပြောဆိုခဲ့သည်။အမျိုးသားညီညွတ်ရေး အစိုးရ၏ လုပ်ဆောင်ချက်ခြေလှမ်းများ အောင်မြင်ခိုင်မာလာ လေလေ စစ်ကောင်စီက အဖျက်လုပ်ငန်းပိုမိုကြီးမားလာမည်ဆိုသည်ကို သတိထားရမည်ဖြစ်ကြောင်း၊

အာဏာသိမ်းစစ်ကောင်စီအနေဖြင့် အမျိုးသားညီညွတ်ရေးအတိုင်ပင်ခံကောင်စီ(NUCC)တွင် ပါဝင်နေသည့် အချို့အဖွဲ့အစည်းမျာကို ချဉ်းကပ်ပြီး NUCC မှ ပဲ့ထွက်လာအောင် လုပ်ဆောင်နေကြောင်း အမျိုးသားညီညွတ်ရေးအစိုးရ(NUG) ယာယီသမ္မတ ဒူဝါလရှီးလာက ပြောကြားသည်။

အမျိုးသားညီညွတ်ရေးအစိုးရအဖွဲ့ ပုံမှန်အစည်းအဝေးကို နို၀င်ဘာ ၂၃ရက်က ပြုလုပ်ခဲ့ရာ ယင်းသို့ ထည့် သွင်း ပြောဆိုခဲ့သည်။အမျိုးသားညီညွတ်ရေး အစိုးရ၏ လုပ်ဆောင်ချက်ခြေလှမ်းများ အောင်မြင်ခိုင်မာလာ လေလေ စစ်ကောင်စီက အဖျက်လုပ်ငန်းပိုမိုကြီးမားလာမည်ဆိုသည်ကို သတိထားရမည်ဖြစ်ကြောင်း၊

စစ်ကောင်စီက အချို့အဖွဲ့အစည်း များကိုချဉ်းကပ်ပြီး NUCC ကနေ ပဲ့ထွက်လာအောင် လုပ်ဆောင်နေမှုများ ရှိသည်ဟု ကြားသိရကြောင်း၊ အင်အားကြီးသည့် အမျိုးသားဒီမိုကရေစီ အဖွဲ့ချုပ်(NLD)နှင့် တိုင်းရင်းသားလက်နက်ကိုင်အဖွဲ့များ(EAOs) ၏ ညီညွတ်မှုကို မနာလို ဖြိုခွင်းမှုများ အကွက်ဆင်လာနိုင်ကြောင်း ယာယီသမ္မတက ပြောဆိုခဲ့သည်ဟု NUGက ထုတ်ပြန်သည်။

NUCCကို မတ်လ ၈ရက်က စတင်စုဖွဲ့ကာ လက်ရှိအချိန်တွင် ပြည်ထောင်စုလွှတ်တော်ကိုယ်စား ပြုကော်မတီ(CRPH)၊ တိုင်းရင်းသားလက်နက်ကိုင်တော်လှန်ရေးအဖွဲ့များ၊ ပြည်နယ်၊ဖယ်ဒရယ်ယူနစ် အခြေပြု နှင့် လူမျိုးအခြေပြု အတိုင်ပင်ခံကောင်စီများ၊ စစ်အာဏာသိမ်းမှုကို လက်မခံသည့် နိုင်ငံရေးပါတီများ၊နွေဦးတော်လှန်ရေး၏ အင်အားစု အသီးသီး၊ တိုင်းရင်းသားလူမျိုးပေါင်းစုံ လူထုလူတန်းစား အလွှာအသီးသီးတို့မှ အဖွဲ့အစည်း ၂၈ဖွဲ့မှ ကိုယ်စားလှယ်များဖြင့် ဖွဲ့စည်းထား သည်။

Public Service Announcement

Public Service Announcement

တော်လှန်ရေး အသိ တော်လှန်ရေးသတိဖြင့် အားလုံးညီညီညွတ်ညွတ် အရှိန်အဟုန်ဖြင့် လူထုကို ဦးဆောင်စည်းရုံးသွားရန်လည်း ယာယီသမ္မတက တိုက်တွန်းခဲ့သည်။

ပြည်ထောင်စုဝန်ကြီးချုပ် မန်းဝင်းခိုင်သန်းကလည်း ပြည်တွင်းပြည်ပက ပြည်သူများအနေဖြင့် အောင်နိုင်လိုစိတ်ပြင်းပြနေကြ၍ လူအင်အား ငွေအင်အား စိတ်ဓာတ်အင်အားများဖြင့် ကဏ္ဍစုံက ပံ့ပိုးထောက်ပံ့နေကကြောင်း၊ ထို့ကြောင့် အစိုးရ အနေဖြင့် တော်လှန်ရေးအတွက်ပိုမို တာဝန်ကြီးလာကြောင်း ပြောကြားသည်။

တော်လှန်ရေးကာလက ၉ လကျော်လာသည့်အခါ၌ ပြည်သူလူထုအနေဖြင့် များစွာ ပင်ပန်းဒုက္ခရောက် နေကြပြီးဖြစ်၍ အစိုးရအဖွဲ့အနေဖြင့်လုပ်ဆောင်ချက်တိုင်းသည် အကြမ်းဖက်စစ်ကောင်စီကို ထိုးနှက်နိုင်စေမည့် ကဏ္ဍများကိုအထူးအာရုံစိုက်ရမည်ဖြစ်ကြောင်း ပြည်ထောင်စုဝန်ကြီးချုပ်က ပြောသည်။

ဆက်စပ်သတင်းများ

သတင်း

CNA အပါအဝင် ချင်းပူးပေါင်းတပ်ဖွဲ့သည် တွန်းဇံ၊ ရေဇွာ၊ လိုင်လင်းပီ၊ ရိဒ်ခေါ်ဒါမြို့များကို တိုက်ခိုက်သိမ်းပိုက်ထားပြီးဖြစ်သည်။

သတင်း

ရန်ကုန်တိုင်း စစ်ကြောရေးတာဝန်ခံ ဒုဗိုလ်မှူးကြီးသန်းထွဋ်ကိုလည်း တောင်ငူခရိုင်တပ်ရင်း ၃၅၀၁က ရန်ကုန် - နေပြည်တော် အမြန်လမ်း မိုင်တိုင်(၁၆၁)အနီးတွင် ၂၀၂၃ ဇန်နဝါရီ၂၂ ရက်က ပစ်ခတ်ရှင်းလင်းခဲ့သည်။

သတင်း

မံစီမြို့နယ်ရှိ တပ်ရင်း ၂ခုမှ အင်အား ၁,၅၀၀ခန့်ကိုလည်း KIA ပူးပေါင်းတပ်က တိုက်ခိုက်နေရခြင်းဖြစ်ကြောင်း သတင်းရင်းမြစ်က ပြောထားသည်။

သတင်း

ဟံသာဝတီရွာအတွင်း တပ်စွဲထားသည့် စစ်ကောင်စီစစ်ကြောင်းမှူးကိုလည်း အချိန်းအပြောင်းပြုလုပ်သွားကြောင်း သတင်းရရှိသည်။