ထိုင်းနိုင်ငံ၏ နာမည်ကျော် လက်လီအရောင်းဆိုင်ဖြစ်သည့် Makro မြန်မာကို မြေငှားရမ်းရာတွင် ဒေါ်လာ ၉ သန်းခန့်နစ်နာသည်ဟုစွပ်စွဲကာ ဝန်ကြီးဦးသောင်းထွန်းကို အကြမ်းဖက်စစ်ကောင်စီက အဂတိလိုက်စားမူတိုက်ဖျက်ရေး ဥပဒေဖြင့်အရေးယူလိုက်ကြောင်း ထုတ်ပြန်သည်။ သည်။
မင်္ဂလာတောင်ညွန့်မြို့နယ်၊အထက်ပုဇွန်တောင်လမ်းပေါ်ရှိ မြေ၉ ဧကကျော်တွင်ရှိသည့် စားသုံးသူရေးရာဦးစီးဌာနပိုင်မြေကို ထိုင်း Markoကိုငှားရမ်းရာတွင် နစ်နာခဲ့ခြင်းဖြစ်သည်ဟု စွပ်စွဲခဲ့ခြင်းဖြစ်သည်။ ဦးသောင်းထွန်းက အဆိုပါမြေကို Markoမြန်မာကို နှစ် ၃၀ ငှားရမ်းရာတွင် တစ်စတုရမ်းမီတာကို ကာလ ပေါက်ဈေး ဒေါ်လာ ၁၀ နှင့် ၁၅ ရှိနေချိန်တွင် ၆ဒေါ်လာခွဲဖြင့် ငှားရမ်းခဲ့သည်ဟုစွပ်စွဲထားသည်။ထိုကြောင့် တစ်နှစ်မြေငှားရမ်းခ ဒေါ်လာ ၁ ဒသမ ၃ သိန်းကျော်နစ်နာခဲ့သည်ဟုဆိုသည်။
ထိုအတူမြေအသုံးချမူ ပရီမီယံကြေး တစ်ဧကကို အနိမ့်ဆုံးဒေါ်လာ တစ်သိန်းရှိ၍ မြေဧက ၉ ဧက ငှားရမ်းရာတွင် ဒေါ်လာ ၉ သန်းကျော်ရရှိရမည်ဟု အကြမ်းဖက်စစ်ကောင်စီကဆိုထားသည်
သို့သော်လည်း ဝန်ကြီးဦးသောင်းထွန်းသည် မြေအသုံးချမူပရီမီယံကြေးကို ဒေါ်လာ ၂ သိန်းခွဲခန့်သာ သွင်းစေခဲ့သည်ဟုဆိုသည်။ ထိုကြောင့် နိုင်ငံတော်က ဒေါ်လာ ၉သန်းခန့်နစ်နာခဲ့ရသည်ဟု အကြောင်းပြထားသည်။
အကြမ်းဖက်စစ်ကောင်စီက ဦးသောင်းထွန်းကို စစ်တပ်ကနိုင်ငံတော်အာဏာကို အဓမ္မလုယူပြီးသည့် ဖေဖော်ဝါရီ ၁ ရက်ကတည်းက ဖမ်းဆီးထားခြင်းဖြစ်သည်ဟု နိုင်ငံရေး အကျဉ်းသားများ ကူညီစောင့်ရှောက်ရေး အ သင်း (AAPP) က ထုတ်ပြန်ထားသည်။ထိုသို့ဖမ်းဆီးထားပြီး ၁၀ လအကြာမှသာ အကြမ်းဖက်စစ်တပ်က အဂတိဖြင့် အမူဖွင့်ခဲ့ခြင်းဖြစ်သည်။
Public Service Announcement
အငြိမ်းစားသံအမတ်ကြီး ဦးသောင်းထွန်းသည် ဒီချုပ်အစိုးရလက်ထက်တွင် နိုင်ငံတော်လုံခြုံရေးအကြံပေး၊ မြန်မာနိုင်ငံရင်းနှီးမြှပ်နှံမူကော်မရှင် ဥက္ကဌ၊ ရင်းနှီးမြှပ်နှံမူနှင့်နိုင်ငံခြားစီးပွားဆက်ဆံရေးဝန်ကြီး နှင့် ပြည်ထောင်စု အစိုးရ အဖွဲ့ရုံးဝန်ကြီးတို့အဖြစ် ပူးတွဲဆောင်ရွက်ခဲ့သူဖြစ်သည်။ Makro Myanmar ဆိုင်ခွဲကို Siam Makro Public Company Limited က ပိုင်ဆိုင်တာ ဖြစ်ပြီး ရန်ကုန်မြို့၊ မင်္ဂလာတောင်ညွှန့်မြို့နယ်၊ စက်ဆန်းရပ်ကွက်၊ အထက် ပုစွန်တောင်လမ်းမပေါ်မှာ ဖွင့်လှစ်ထားသည်။
