Connect with us

Hi, what are you looking for?

LuduNwayOo

News

ဆောနှင့်ကန်ပက်လက်မြို့နယ်တွင်အ​ရေး​ပေါ်အ​ခြေအ​နေဖြစ်ပွား​နေဟုUDLAထုန်ပြန်

လက်နက်ချင်းအင်အား မမျှသဖြင့် ပြည်သူများအနေဖြင့် ဝိုင်းဝန်းကူညီကြရန် UDLA ကမေတ္တာရပ်ခံသည်။

ဆောမြို့နယ် နှင့် ကန်ပက်လက်မြို့နယ် တွင် အရေးပေါ်အခြေအနေ ဖြစ်ပွားလျက်ရှိကြောင်း ပြည်ထောင်စု ကာကွယ်ရေးနှင့် လွတ်မြောက် ရေးမဟာမိတ် တပ်ပေါင်းစု (UDLA)ကသတင်းထုတ်ပြန်သည်။

နိုဝင်ဘာ ၂၂ ရက်ကစ၍ မကွေးတိုင်းဒေသကြီး၊ ဂန့်ဂေါခရိုင်၊ ဆောမြို့နယ်ရှိ လက်မွန်ရွာသို့ အကြမ်းဖက်စစ်အုပ်စုမှ ရုတ်တရက် ဝင်ရောက် လာခဲ့သည်။

မကွေးနှင့် ချင်း ပြည်နယ် ဘက် အကြားရှိ ထောက်ပို့နေသော လမ်းကြောင်းနှင့် စစ်ကူများကို ပိတ်ဆို့ရန် စစ်ကောင်စီက အင်အား (၂၀၀) ခန့်ဖြင့် စခန်းချ နေထိုင်လျက်ရှိကြောင်းလည်း ထုတ်ပြန်ချက်တွင်​ဖော်ပြထားသည်။အကြမ်းဖက်စစ်အုပ်စုသည် နယ်မြေကျွမ်းကျင်သော ပျူစောထီးများနှင့်အတူ မိုင်းရှာဖွေသည့်ကိရိယာများဖြင့် ဝင်ရောက်လာပြီး YDF (ဆောနှင့်ကျောက်ထု) မှ ထောင်ထားသည့် မိုင်းများစွာအား ကျော်လွှားနိုင်ခဲ့သည်ဟု ကြေညာချက်တွင်ပါရှိသည်။

အလားတူ နိုဝင်ဘာ ၂၃ ရက်က ချင်းပြည်နယ်၊ ကန်ပက်လက်ရှိ CDF တပ်ရင်းတခုအား ဝင်စီးခံရပြီး စပါးတင်း (၁၅၀) ပါရှိသော ရိက္ခာသိုလှောင်သည‌့်နေရာနှင့် နေအိမ် (၃) လုံးအား မီးရှို့သွားသည်ဟုလည်း UDLA က ထုတ်ပြန်သည်။

ယမန်နေ့က ဆောနှင့် ကန်ပက်လက် တိုက်ပွဲ၌ အကြမ်းဖက်စစ်သား (၆) ဦးထက်နည်းသေဆုံးပြီး ဒေသခံကာကွယ်ရေးတပ်ဖွဲ့များမှလည်း ထိခိုက်ဒဏ်ရာရရှိသူရှိ​သော်လည်း စိုးရိမ်စရာမရှိကြောင်း သိရသည်။

လက်နက်ချင်းအင်အား မမျှသဖြင့် ပြည်သူများအနေဖြင့် ဝိုင်းဝန်းကူညီကြရန် UDLA ကမေတ္တာရပ်ခံသည်။

ချင်းနှင့် မကွေး နယ်စပ်ဒေသများ၌ စစ်ကောင်စီတပ် လက်နက်အင်အားဖြည့်ခြင်း အပါအဝင် စစ်ရေးလှုပ်ရှားမှု ပိုလုပ်လာကြောင်းချင်းလက်နက်ကိုင်တပ်ဖွဲ့များက သုံးသပ်သည်။

စစ်ကောင်စီတပ်သည် အမာကို ရှောင်ပြီး အပျော့ကို တိုက‌်နေသည်ဟု ယူဆရကြောင်း၊ ဆော နှင့် ကန်ပက်လက်ကို အင်နှင့် အားနှင့် ဖိနေကြောင်း၊ ယင်းထိုးစစ်များပြီးလျှင် မင်းတပ်ကိုလည်း ဦးတည်လာနိုင်ကြောင်း ယူဆသည်ဟု CDF-MINDATက ထုတ်ပြန်ထားသည်။

You May Also Like

သတင်း

ဆောမြို့နယ် နောင်ကန်ရွာနှင့် ကျင်းလုံရွာကို စစ်ကောင်စီက ယမန်နေ့(ဒီဇင်ဘာလ ၂၆ရက်)နေ့လယ် ၂နာရီခန့်တွင် လေကြောင်းမှ ရုတ်တရက်တိုက်ခိုက်ခဲ့ခြင်းဖြစ်သည်။

သတင်း

အလင်းဝင်ရောက်လာသည့်ရဲတပ်သားများက စစ်ကောင်စီအနေဖြင့် နယ်မြေထိန်းချုပ်နိုင်စွမ်းမရှိ ခြင်းအပါအဝင် ၎င်းတို့အတွက် လုံခြုံမှုမရှိတော့ကြောင်း ထွက်ဆိုထားသည်။

သတင်း

စစ်ကောင်စီတပ်သည် ရွာကို မီးမရှို့မီ ဒေသခံ ပြည်သူ့ကာကွယ်ရေးတပ်(PDF)များထံ ဆက်သွယ်ပြီး PDFများ ဖမ်းထားသည့် စစ်ကောင်စီတပ် သား လေးဦးကို ပြန်လွှတ်ပေးရန် ပြောဆိုသည် ဟုဆိုသည်။

သတင်း

အဆိုပါ ရဲတပ်သားကို ကျပ်သိန်း ၄၀ချီးမြှင့်ခဲ့ပြီး လွတ်မြောက်နယ်မြေသို့ ဘေးကင်းလုံခြုံစွာ ပို့ဆောင်ပေးခဲ့ပြီးဖြစ်ကြောင်း ထုတ်ပြန်သည်။