ကရင်နီ(ကယား)ပြည်နယ် လွိုင်ကော်မြို့နယ်ရှိ လျှပ်စစ် ဓာတ်အားပေးတာဝါတိုင် နှစ်ခု ဖျက်ဆီးခံရကြောင်း ကရင်နီပြည်လူငယ်များသမဂ္ဂ(UKSY) က ဓာတ်ပုံများနှင့်အတူ သတင်းထုတ်ပြန်သည်။
လောပိတ အမှတ်(၁)စက်ရုံမှ နေပြည်တော် – ရန်ကုန်- မန္တလေးမြို့များသို့ ဓာတ်အားပေးပို့နေသည့် တာဝါတိုင် နှစ်ခုကို ဖျက်ဆီးခံရခြင်းဖြစ်ပြီး မည်သည့်အဖွဲ့က လုပ်ဆောင်သည်ကိုမူ မသိရသေးပေ။
ဖျက်ဆီးခံရသည့် တာဝါတိုင်သည် ဒေါလရှေးနှင့် ဆော်ခီးဒေါရွာကြားက တာဝန်တိုင်ဖြစ်သည်ဟု UKSYက ဆိုသည်။
ကရင်နီအမျိုးသားကာကွယ်ရေးတပ်ဖွဲ့(KNDF) ပြောရေးဆိုခွင့်ရှိသူ တစ်ဦးက လျှပ်စစ်တာဝါတိုင် ဖျက်ဆီးခံရသည့် ကိစ္စကို အတိအကျမသိရသေးဟု ပြောသည်။
Public Service Announcement
“ ဒေါလရှေးက လွိုင်ကော်မြို့နယ်ထဲမှာ။ ရှမ်း- ကယားနယ်စပ်ဘက်ရောက်တော့မယ် အဲဒီနေရာက”ဟု ၎င်းက နေရာဒေသကို ရှင်းပြသည်။
အာဏာသိမ်းစစ်ကောင်စီရုံးထိုင်ရာနေပြည်တော်သို့ပေးပို့သောဖယ်ခုံမြို့နယ် လွယ်ဟွဲရွာအနီးရှိ လျှပ်စစ်တာဝါတိုင် ၂ခုကိုလည်း ဒေသခံ ပြည်သူ့ကာကွယ်ရေးတပ်ဖွဲ့(PDF)က ဩဂုတ်လအတွင်း၌ မိုင်းခွဲတိုက်ခိုက်ဖျက်ဆီးခဲ့ဖူးသည်။
