နိုဝင်ဘာလ ၂၅ ရက်နေ့ ည၁၂နာရီအချိန်က စစ်ကိုင်းတိုင်းအတွင်း ကားလမ်းမတစ်နေရာ၌ အကြမ်းဖက် စစ်ကောင်စီတပ်ဖွဲ့ လာရောက်နိုင်သောလမ်းကြောင်းအား ဖောက်ခွဲတိုက်ခိုက်မှုပြုလုပ်ရန် တပ်သား(၂)ဦးမှ ကြိုးစားမိုင်းထောင်နေကြစဥ် မတော်တဆ ပေါက်ကွဲမှုနှင့်အတူ တော်လှန်ရေးအတွက် အသက်ပေးသွားခဲ့ရကြောင်း အကြမ်းဖက်စစ်ကောင်စီအားခုခံတော်လှန်နေသော ဂဠုန်တပ်တော်က သတင်းထုတ်ပြန်ခဲ့သည်။
ဤသို့ဖြစ်စဥ်အား ကျွန်ုပ်တို့ဂဠုန်တပ်တော်၏ ပထမဦးဆုံးနှင့် နောက်ဆုံးဖြစ်ပျက်မှုဖြစ်စေရမည်ဟု သူရဲကောင်းရဲဘော် နှစ်ဦးအားတိုင်တည်၍ ကတိသစ္စာ ပြုကြောင်း၊ ကျွန်ုပ်တို့ ဂဠုန်တပ်တော်အနေဖြင့်လည်း အမျိုးသားတော်လှန်ရေးအတွက် အသက်ပေးခဲ့ကြသည့် သူရဲကောင်းတို့၏ ကျန်ရစ်သူမိသားစုများနှင့်ထပ်တူထပ်မျှ ဝမ်းနည်းကြေကွဲကြောင်း ဂဠုန်တပ်တော်က အသိပေးကြေညာခဲ့သည်။
(ဓါတ်ပုံ- စစ်အာဏာရှင်ကျဆုံးရေး ၊ ဖက်ဒရယ်ဒီမိုကရေစီနိုင်ငံထူထောင်နိုင်ရေးအတွက်ကြိုးပမ်းရင်ယ အသက်ပေးလှုခဲ့သူ လူငယ်နှစ်ဦးသည် အသက် ၂၂နှစ်နှင့် ၂၄နှစ်အရွယ် လူငယ်များဖြစ်ကြသည်။)
