ကလေးမြို့တွင် တာဝန်ကျနေသည့် ရဲတပ်ဖွဲ့ဝင်တစ်ဦးသည် CDM ပြုလုပ်ကာ ပြည်သူ့ထံခိုလှုံလာသည်ဟု ကလေးမြို့ ပြည်သူ့ကာကွယ်ရေးအဖွဲ့(ပကဖ)က သတင်းထုတ်ပြန်သည်။
ရဲတပ်သားမင်းခန့်ဝေ( ကိုယ်ပိုင်အမှတ် လ – ၂၉၀၄၄၇) သည် အာဏာသိမ်း စစ်ကောင်စီ၏ လက်အောက်တွင် ဆက်လက်တာဝန်မထမ်းဆောင်လိုတော့သဖြင့် နိုဝင်ဘာ ၂၇ရက်တွင် CDM ပြုလုပ်လာခြင်းဟု သတင်းထုတ်ပြန်ထားသည်။
ရဲတပ်သားမင်းခန့်ဝေသည် လွတ်မြောက်နယ်မြေသို့ရောက်ရှိသွားပြီဟုလည်း ကလေးမြို့ ပြည်သူ့ကာကွယ်ရေးအဖွဲ့(ပကဖ)က ပြည်သူအား အသိပေး ထားသည်။
ကလေးမြို့တွင် နိုဝင်ဘာ ၂၆ ရက်နောက်ပိုင်း တိုက်ပွဲမဖြစ်ပွားသော်လည်း စစ်ကောင်စီက အင်အားတိုးနေဆဲဖြစ်ကြောင်း ပြည်သူ့ကာကွယ်ရေးတပ်ဖွဲ့ဝင်အချို့ကပြောသည်။