စစ်ကိုင်းတိုင်းအတွင်းရှိ လမ်းပိုင်းလေးခုအား ပြန်လည်အသုံးပြုသွားလာနိုင်ပြီဟု ချောင်းဦးနှင့်မုံရွာ PDFများက အသိပေးသည်။
နိုဝင်ဘာလ ၂၈ ရက်နေ့ ည ၇နာရီ၁၅မိနစ်မှစတင်ကာ မန္တလေး-မြင်းမူ-မုံရွာလမ်းပိုင်း၊ မန္တလေး-အရာတော်-မုံရွာလမ်းပိုင်း၊ မန္တလေး-ရွှေဘို-မုံရွာလမ်းပိုင်း၊ ပခုက္ကူ-ချောင်းဦး-မုံရွာလမ်းပိုင်းများအား အသုံးပြုခြင်း လုံးဝ(လုံးဝ) မပြုလုပ်ကြရန် တားမြစ်ခဲ့ပြီးနောက် ယနေ့(နိုဝင်ဘာ ၃၀ ရက်) နံနက် ၁၀နာရီခွဲမှစတင်ကာ ပြန်လည်အသုံးပြုနိုင်ပြီဖြစ်ကြောင်း ချောင်းဦးနှင့်မုံရွာ PDFများက အသိပေးကြေညာသည်။
လမ်းပိုင်းများအသုံးပြုရာတွင် ကားမှန်များချထားပြီး အတွင်းမီးများဖွင့်မောင်းပေးရန်၊ ကားများပေါ်တွင် မိုးကာ၊ အကာများမအုပ်ပဲမောင်းနှင်ရန်၊ စစ်ကောင်စီနှင့် ဆက်နွယ်သည်ဟုယူဆရသော ကားများနှင့် ကပ်မလိုက်ဘဲ ခွာလိုက်ရန် အစရှိသည့်အချက်များလိုက်နာပေးစေလိုကြောင်း ချောင်းဦးနှင့်မုံရွာ ပြည်သူ့ကာကွယ်ရေးတပ်ဖွဲ့များက အသိပေးသည်။
စစ်ကိုင်းတိုင်းအတွင်း အဆိုပါလမ်းပိုင်းများတွင် စစ်ကောင်စီတပ်များအား ပြည်သူ့ကာကွယ်ရေးအဖွဲ့များမှ ခုခံတိုက်ခိုက်ခြင်းများပြုလုပ်နေသည်။
Public Service Announcement
