မြန်မာ-တရုတ်နယ်စပ်ကုန်သွယ်ရေးတွင်ကျင်ဆန်းကျော့ဂိတ်ပြန်ပေးပြီးနောက်မြန်မာဘက်က ပို့မည့် ဖရဲသီးများတွင်ကိုရိုနာဗိုင်းရပ်စ်ရှိ ၊မရှိ တရုတ်ဘက်ကစစ်ဆေးနေသည်ဟု မူဆယ်ဒေသခံသစ်သီးကုန်သည်များကပြောသည်။
ယနေ့(နိုဝင်ဘာ ၃၀)တွင် တရုတ်ဘက်သို့ ဖရဲသီးအချို့စတင်ပို့ဆောင်စဥ် ယင်းကဲ့သို့ စစ်ဆေးခံရခြင်းဟု ကုန်သည်အချို့ကပြောသည်။
“ယနေ့စစ် All negative ပါဗျား။ဖရဲသီးများကျန်းမာပါစေ” ဟုမူဆယ်- နမ့်ခမ်းနယ်စပ်ကုန်သွယ်ရေးအသင်းဒုတိယ ဥက္ကဌ ဦးစိုင်းခင်မောင်က သူ၏ ဖေ့ဘွတ်စာမျက်နှာတွင် ရေးတင်ထားသည်။
ကိုဗစ်နှင့်နယ်စပ်လုံခြုံရေးအခြေအနေကြောင့် ပိတ်သည့် နယ်စပ်ကုန်သွယ်ရေးဂိတ်( ကျင်စန်းကျော့ဂိတ်)ကို တရုတ်က နိုဝင်ဘာ ၂၆ရက်ကစ၍ပြန်လည်ဖွင့်လှစ်နေပြီး ဆန်၊ပြောင်းနှင့် သစ်သီးများကို တရုတ်ဘက်သို့ မြန်မာကုန်သည်များက စတင် တင်ပို့နေသည်။ထိုသို့ ပို့ဆောင်နေ
စဥ် မြန်မာဘက်က ပို့မည့် ဖရဲသီးများ၌ကိုရိုနာဗိုင်းရပ်စ်(ကိုဗစ်ပိုး)ရှိမရှိစစ်ဆေးခံနေရခြင်းဖြစ်သည်။ တရုတ်ဘက်သို့ဝင်မည့် မြန်မာကုန်သည်များကိုလည်း ကိုရိုနာဗိုင်းရပ်စ်ရှိ၊မရှိ စစ်ဆေးနေပြီး တစ်ကြိမ်စစ်ဆေးပါက မြန်မာကျပ်ငွေတစ်သိန်းပေးနေရသည်ဟု ကုန်သည်များကပြောသည်။
Public Service Announcement
