ငွေတိုက်စာချုပ်​ရောင်းချမှု ဆက်လက်ရပ်ဆိုင်းမယ်

–ဝယ်ယူသူအချို့မှာ အမည်ပျက်သွင်းထားတဲ့ အကြမ်းဖက်စစ်ကောင်စီဝင်​တွေနဲ့နာမည်တူသူအချို့ကြောင့် ဘဏ်နှင့်ညှိနှိုင်း​နေရဟုဆို

ငွေတိုက်စာချုပ်ရောင်းချမှုကို ဆက်လက်ရပ်ဆိုင်းထားမယ်လို့ အမျိုးသားညီညွတ်ရေးအစိုးရအဖွဲ့ (NUG)၏ စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာနက ဒီနေ့တွင် ထုတ်ပြန်ပါတယ်။

ငွေတိုက်စာချုပ်ဝယ်ယူသူ​တွေအနက် နိုင်ငံတကာက အမည်ပျက်စာရင်းသွင်းတဲ့ အကြမ်းဖက်စစ်ကောင်စီဝင်​တွေနဲ့ နာမည်တူ​တွေကို ဘဏ်စာရင်းသို့ ငွေလွှဲပြောင်းပေးပို့နေတာကြောင့် ဘဏ်နဲ့ ညှိနှိုင်းဖြေရှင်းနေရလို့ ငွေတိုက်စာချုပ်ရောင်းချမှုကို ဆက်လက်ရပ်ဆိုင်းထားရတာလို့ ဆိုပါတယ်။

ငွေတိုက်စာချုပ်တွေ ပြန်လည်ရောင်းချမယ့်နေ့ရက်နဲ့ လုံခြုံစိတ်ချစွာဝယ်ယူနိုင်မယ့် လုပ်ငန်းစဉ်တွေကို အသေးစိပ်ထုတ်ပြန်သွားမယ်လို့ ဆိုပါတယ်။

Public Service Announcement

ဒါ့အပြင် ပြည်ပနိုင်ငံ​တွေမှာ ကိုယ်စားလှယ်​တွေထားရှိပြီး ပြည်တွင်းကို ငွေလွှဲပြောင်းနည်းနဲ့ ဝယ်ယူနိုင်ဖို့လည်း စီစဉ်ပေးမယ်လို့ NUGက ဆိုပါတယ်။

အရင်က ရောင်းချထားတဲ့ ငွေတိုက်စာချုပ် အစောင် ၄၁၀၀ကျော်ကို ပြန်လည်ပေးပို့နိုင်ခဲ့ပြီး ကျန်ငွေတိုက်စာချုပ်​တွေကို ဆက်လက်ပေးပို့သွားမည်ဟု NUGက ​ပြောပါတယ်။

ပုံစံ (က) ဖြည့်သွင်းပြီး Order ID ရယူထားပြီးသူ​တွေအနေနဲ့ ချက်နိုင်ငံဘဏ်ကို ဆက်လက်ငွေပေးသွင်းနိုင်တယ်လို့လည်း အသိ​ပေးထားပါတယ်။ ငွေလွှဲသူ​တွေအနေနဲ့ ပုံစ (ခ)ကို ဖြည့်သွင်းပြီးပါက ငွေတိုက်စာချုပ်​တွေ ပြန်လည်ထုတ်ပေးသွားမယ်လို့လည်း NUGကဆိုပါတယ်။

NUGက နွေဦးတော်လှန်ရေးအတွက် ငွေတိုက်စာချုပ် ဒေါ်လာ တစ်ဘီလီယံဖိုကို ထုတ်ရောင်းပေးနေတာဖြစ်ပြီး ပထမအသုတ်အနေနဲ့ ဒေါ်လာ သန်း၂၀၀ဖိုးထုတ်ရောင်းနေတာပါ။

နိုဝင်ဘာ ၂၂ ရက်မှာ NUGက ငွေတိုက်စာချုပ်​တွေစတင်ရောင်းချခဲ့ပြီး နိုဝင်ဘာ ၂၉ ရက်မှာ ငွေလွဲကိစ္စရပ်​တွေကြောင့် တစ်ပတ်ကြာရပ်ဆိုင်းမယ်လို့ ကြေငြာခဲ့ပါတယ်။

ငွေတိုက်စာချုပ်​တွေကို NUGက ဒေါ်လာ ၁၀၀၊ ၅၀၀၊ ၁၀၀၀နဲ့ ၅၀၀၀ တန်ဆိုပြီး ရောင်းချနေပြီး စတင်ရောင်းချခဲ့တဲ့ တစ်ပတ်အတွင်းငွေတိုက်စာချုပ် ဒေါ်လာ ၁၅ သန်းဖိုးရောင်းချခဲ့ရပါတယ်။