ကျောက်တန်းမြို့နယ် သီတာမြိုင်ရပ်ကွက် အုပ်ချုပ်ရေးမှူးအိမ်ကို ယနေ့(ဒီဇင်ဘာ ၇)နံနက်ပိုင်းတွင် ဖောက်ခွဲသတိပေးခဲ့ကြောင်း ကျောက်တန်းမြို့နယ် ပြည်သူ့ကာကွယ်ရေးအဖွဲ့(KPDF)က ထုတ်ပြန်သည်။
“သီတာမြိုင်အုပ်ချုပ်ရေးမှူးမြင့်လွင်အား သ တင်းပေးပို့တိုင်ကြားချက်များအရစစ်ဆေးထောက်လှမ်းရာတွင်မှန်ကန်မှု့ရှိနေသည့်အချက်များတွေ့ရသည့်အတွက် ၎င်း၏နေအိမ်အား အဝေးထိန်းစနစ်ဖြင့် သတိပေးဖောက်ခွဲ (အုန်းထမင်း) ကျွေးခဲ့ကြောင်းပြည်သူများသိရှိစေရန်တင်ပြအပ်ပါသည်”ဟု ထုတ်ပြန်ချက်တွင် ဖော်ပြသည်။
ထို့အပြင် အကြမ်းဖက်စစ်ကောင်စီလက်အောက် ခံစစ်ကျွန်အုပ်မှူးများ တစ်လအတွင်းနှုတ်ထွက်ရန် စာထုတ်ပြန်ထားသည့်အပေါ် မထိမဲ့မြင်ပြုမူကာ စစ်ကောင်စီလက်အောက်၌ ဆက်လက်တာဝန်ထမ်းဆောင်နေမည်ဆိုပါက ယခုလိုသတိပေးဖောက်ခွဲခြင်းမျိုး ပြုလုပ်တော့မည်မဟုတ်ကြောင်း KPDFက အသိပေးထားသည်။
ထို့ကြောင့် ကျောက်တန်းမြို့နယ်ရှိ အုပ်ချုပ်ရေးမှူးများအနေဖြင့် ၎င်းတို့၏အသက်အား နှုတ်ထွက်စာတင်ကာ အသက်အာမခံလျှောက်ထားသင့်ကြောင်း KPDF က သတိပေသးသည်။
ပြည်သူများအနေဖြင့်လည်း အကြမ်းဖက်စစ်ကောင်စီတပ်များနှင့် သတင်းပေးဒလန်များရှိရာနေရာများသို့ သွားလာခြင်းအား အထူးဂရုပြုကြပါရန် ကျောက်တန်းပြည်သူ့ကာကွယ်ကေးအဖွဲ့က မေတ္တာရပ်ခံထားသည်။