မန္တလေးတိုင်း မတ္တရာမြို့ပေါ်တွင် ယနေ့ (ဒီဇင်ဘာ၁၀) ပိတ်ထားသည့် ဆိုင်များ နောက်ရက်များတွင် မဖွင့်ရဟု အာဏာသိမ်းစစ်ကောင်စီလက်ပါးစေ စည်ပင်နှင့် ရဲတပ်ဖွဲ့ဝင်များက စာလိုက်ကပ်နေကြောင်း မတ္တရာမြို့ဒေသခံက ပြောသည်။
မတ္တရာမြို့နယ်ရှိ ပြည်သူလူထုများသည်လည်း ဒီဇင်ဘာ ၁၀ရက် လူ့အခွင့်အရေးနေ့အထိမ်းအမှတ် နိုင်ငံတဝန်း ဆောင်ရွက်နေသည့် စစ်အာဏာရှင်ဆန့်ကျင်ရေး အသံတိတ်သပိတ်ကို ပါဝင်ဆင်နွှဲခဲ့ကြရာ မြို့ပေါ်လမ်းမများ၌ လူရှင်းနေသည်ဟု ဆိုသည်။
“ဘယ်နားမှာလိုက်ကပ်လဲဆိုတော့ ဗိုလ်ချုပ်လမ်းမကြီးပေါ်က လမ်းဘေးဝဲယာကဆိုင်တွေ။ အဲဒီ စာကပ်တဲ့ ဓာတ်ပုံတွေကို ရိုက်လို့က မရဘူးဖြစ်နေသေးတယ်။ ဒီကောင်တွေအုပ်စုက လမ်းပေါ်မှာ ဖြစ်နေသေးတယ်။ အိမ်ပြင်ထွက်ဓာတ်ပုံရိုက်တာနဲ့ ဒီကောင်တွေ ပြဿနာ ရှာနိုင်တဲ့ အနေအထားရှိလို့။ ကပ်တဲ့စာသားတိုင်းတော့ အတိအကျ မဟုတ်ပေမယ့် ဒီနေ့ပိတ်တဲ့ဆိုင်တွေ နောက်ရပ်တွေမဖွင့်ရဆိုပြီး ရေးထားတာ” ဟု ဒေသခံက ပြောသည်။
