မန္တလေးမြို့ ၆၂လမ်း ကုတင်၃၀၀ ဆေးရုံရှေ့တွင် ဆိုင်ကယ်တစ်စီး ပစ်ခတ်ခံရပြီး ဆိုင်ကယ်ပေါ်ပါ ကိုယ်ဝန်ဆောင်သူနာပြုဆရာမနှင့် ၎င်း၏အမျိုးသားတို့ သေဆုံးသွားကြောင်း ဒေသခံများက ပြောသည်။
ယနေ့(ဒီဇင်ဘာလ ၁၂ ရက်) နံနက် ၈ နာရီဝန်းကျင်က မန္တလေးမြို့ ချမ်းမြသာစည်မြို့နယ်၊ ၆၂လမ်းရှိ ကုတင် ၃၀၀ ဆေးရုံရှေ့တွင်လမ်းပေါ်တွင်ဖြတ်သန်းသွားသည့် အမျိုးသားတစ်ဦးမောင်းနှင်ကာ အမျိုးသမီးတစ်ဦးလိုက်ပါလာသည့် ဇနီးမောင်နှံနှစ်ယောက်၏ဆိုင်ကယ်အား ပစ်ခတ်ခံရခြင်းဖြစ်ကြောင်း၊ အဆိုပါပစ်ခတ်မှုကြောင့် ဆိုင်ကယ်မောင်းနှင်သူအမျိုးသား နှစ်ချက်၊ အမျိုးသမီးတစ်ချက် ထိ့မှန်ခဲ့ပြီး သေဆုံးသွားကာ အမျိုးသမီးမှာ ကိုယ်ဝန်ဆောင်ထားရသူဖြစ်ကြောင်း မြို့ခံတို့ကပြောသည်။
ပစ်ခတ်ခံရသည့်နေရာအနီးရှိ ကုတင် ၃၀၀ ဆေးရုံဝင်းထဲတွင် အကြမ်းဖက်စစ်ကောင်စီတပ်များ တပ်စွဲထားပြီး ၎င်းတို့ပစ်ခတ်ခဲ့သည်ဟုလည်း မြို့ခံများကပြောဆိုနေကြသည်။အဆိုပါဆေးရုံရှေ့တွင်စစ်ကောင်စီတပ်ဖွဲ့ဝင်များက ယခင်ကလည်းမကြာခဏ လမ်းသွားလမ်းလာများကို စစ်ဆေးတက်ကြောင်း ဒေသခံအချို့ကပြောသည်။
“ဆုံးတဲ့အမျိုးသားက ကိုအာကာပါ။ သူကသူ့အမျိုးသမီးကို သူ့အမျိုးသမီးအလုပ်လုပ်နေတဲ့ မြို့တော်ဆေးရုံ(City Hospital)ကိုလိုက်ပို့ရင်းဖြစ်တာ။ အခုအလောင်းအိမ်ပြန်သယ်လာကြပြီ။”ဟု မြို့ခံတစ်ဦးက ပြောသည်။
Public Service Announcement
သေနတ်ဖြင့်ပစ်ခံရ၍သေဆုံးခဲ့သောကိုယ်ဝန်ဆောင်မိခင်သည် City Hospital ပုဂ္ဂလိကဆေးရုံတွင်သူနာပြုလုပ်ကိုင်နေသောမချမ်းမြငြိမ်းဖြစ်ပြီး၊ဆိုင်ကယ်မောင်းနှင်သူမှာ သူမ၏ခင်ပွန်း ကိုအာကာဖြိုးဖြစ်သည်။၎င်းတို့နှစ်ဦး မဂ်လာဆောင်ထားသည်မှာလပိုင်းသာရှိသေးကြောင်းသိ့ရသည်။
