အသံတိတ်သပိတ်ဆင်နွှဲသည့်နေ့က ဓာတ်ပုံထွက်ရိုက်စဥ် ဖမ်းဆီးခံရသည့် အလွတ်တန်းဓာတ်ပုံဆရာတစ်ဦး စစ်ကြောရေးတွင် အကြမ်းဖက်စစ်ကောင်စီလက်ချက်ဖြင့် ကျဆုံးသွားကြောင်း ၎င်း၏မိတ်ဆွေများက ပြော သည်။
ဒီဇင်ဘာ ၁၀ ရက် Silent Strike Day တွင် အလွတ်တန်းဓာတ်ပုံဆရာ ကိုစိုးနိုင်သည် ရန်ကုန်မြို့တွင်း ဓာတ်ပုံထွက်ရိုက်စဥ် စစ်ကောင်စီတပ်များ၏ ဖမ်းဆီးမှုခံခဲ့ရခြင်း ဖြစ်သည်။
ကိုစိုးနိုင်အား ဖမ်းဆီးပြီးနောက် စစ်ကောင်စီတပ်က စစ်ကြောရေးတစ်ခုသို့ပို့ဆောင် စစ်ဆေးခဲ့ပြီး ထိုစစ် ကြောရေး၌ပင် သေဆုံးသွားခြင်းဖြစ်ကြောင်း ၎င်း၏ မိသားစုဝင်များနှင့် မိတ်ဆွေများက ယနေ့(ဒီဇင်ဘာ ၁၄)တွင် သိရှိခဲ့ခြင်းဖြစ်သည်။
အဆိုပါ အသံတိတ်သပိတ်ဆင်နွှဲသည့်နေ့က ကိုစိုးနိုင်အပါအဝင် အလွတ်တန်းဓာတ်ပုံဆရာ နောက်တစ်ဦးလည်း အဖမ်းခံခဲ့ရကာ အရပ်သားပြည်သူအချို့လည်း ဖမ်းဆီးခံခဲ့ရသည်။
အလွတ်တန်း ဓာတ်ပုံဆရာတစ်ဦးဖြစ်သည့် ကိုစိုးနိုင်သည် ဂရပ်ဖက်ဒီဇိုင်နာတစ်ဦးလည်း ဖြစ်သည်။