Connect with us

Hi, what are you looking for?

LuduNwayOo

News

လူ့အခွင့်အရေးကော်မရှင်ကို ဖျက်သိမ်းပြီး ပြည်ထောင်စုလူ့အခွင့်အရေးကော်မရှင်ဖွဲ့စည်းရန် အရပ်ဖက်အဖွဲ့အစည်းများ တောင်းဆို

“CRPH နှင့် NUG အနေဖြင့် ယခုအဆိုပြုထားသော ဥပဒေကို အလျင်အမြန်လက်ခံပြီး လူ့အခွင့်အရေးကို ထိရောက်စွာနှင့် လွတ်လပ်စွာကာကွယ်ပေးနိုင်ရန်အတွက် အားကောင်းသော လုပ်ပိုင်ခွင့်အာဏာပေးထားသည့် UHRC အသစ်တစ်ခုကို မဖြစ်မနေဖွဲ့စည်းရန်လိုအပ်နေသည်”ဟု အရပ်ဖက်အဖွဲ့အစည်းအလုပ်အဖွဲ့က ပြောသည်။

စစ်အုပ်စုနှင့်ပူးပေါင်းဆောင်ရွက်နေသည့် မြန်မာနိုင်ငံအမျိုးသားလူ့အခွင့်အရေးကော်မရှင်(MNHRC)ကို ဖျက်သိမ်းပြီး ပြည်ထောင်စုလူ့အခွင့်အရေးကော်မရှင် (UHRC)ကို ဖွဲ့ စည်းရန် မြန်မာအရပ်ဖက်အဖွဲ့အစည်းများက ယနေ့(ဒီဇင်ဘာ၁၄) တောင်းဆိုထုတ်ပြန်သည်။

MNHRC သည် စစ်အုပ်စုနှင့် ပူးပေါင်းဆောင်ရွက်နေပြီး စစ်အုပ်စု၏ ဆိုးရွားသော လူ့အခွင့်အရေးချိုးဖောက်မှုများအပေါ် နှုတ်ဆိတ်နေခြင်းတို့က ယင်းကော်မရှင်ကို အမျိုးသားညီညွတ်ရေးအစိုးရ(NUG)က ဖျက်သိမ်းပစ်ရန်အရေးကြီးကြောင်း ပြသနေသည်ဟု အရပ်ဖက်အဖွဲ့အစည်းများက ဆိုသည်။

မြန်မာအရပ်ဖက်အဖွဲ့အစည်းများသည် ပြည်ထောင်စုလူ့အခွင့်အရေးကော်မရှင်(UHRC)ဥပဒေမူကြမ်းအသစ်ကို အမျိုးသားညီညွတ်ရေးအတိုင်ပင်ခံကောင်စီ(NUCC)၊ ပြည်ထောင်စုလွှတ်တော်ကိုယ်စားပြုကော်မတီ (CRPH)နှင့် အမျိုးသားညီညွတ်ရေးအစိုးရ(NUG) တို့ထံ တင်သွင်းခဲ့ပြီးဖြစ်သည်ဟု ထုတ်ပြန်ချက်၌ ဖော်ပြသည်။

“CRPH နှင့် NUG အနေဖြင့် ယခုအဆိုပြုထားသော ဥပဒေကို အလျင်အမြန်လက်ခံပြီး လူ့အခွင့်အရေးကို ထိရောက်စွာနှင့် လွတ်လပ်စွာကာကွယ်ပေးနိုင်ရန်အတွက် အားကောင်းသော လုပ်ပိုင်ခွင့်အာဏာပေးထားသည့် UHRC အသစ်တစ်ခုကို မဖြစ်မနေဖွဲ့စည်းရန်လိုအပ်နေသည်”ဟု အရပ်ဖက်အဖွဲ့အစည်းအလုပ်အဖွဲ့က ပြောသည်။

Public Service Announcement

Public Service Announcement

UHRC ဥပဒေသစ်ကို CRPH နှင့် NUGတို့က လက်ခံအတည်ပြီးပြီး ဥပဒေအဖြစ် ပြဌာန်းလိုက်မည်ဆိုပါက စစ်အုပ်စု၏ချိုးဖောက်မှုများအပေါ် ဝေဖန်ထောက်ပြမှုများ သွေဖည်သွားရန် MNHRC က အကာအကွယ်တစ်ခုအဖြစ် ဆက်ရှိနေမည်မဟုတ်သည့်အပြင် မြန်မာနိုင်ငံတွင် စိတ်ချယုံ ကြည်ရသည့်၊ ထိရောက်သော နိုင်ငံအဆင့် လူ့အခွင့်အရေးဌာနတစ်ခုဖြစ်လာမည်ဟု ဒီမိုကရေစီဖွံ့ဖြိုးတိုးတက်ရေးလှုပ်ရှားဆောင်ရွက်မှုကော်မတီမှ မသဥ္ဇာရွှန်းလဲ့ရည်က ပြောသည်။

ဆက်စပ်သတင်းများ

သတင်း

အာရက္ခတပ်တော် (AA)က နိုဝင်ဘာလကစပြီး ရခိုင်ပြည်နယ်မှာ စစ်ကောင်စီတပ်​တွေကို ပြန်လည် ထိုးစစ်ဆင် တိုက်ခိုက်လာသလို မြို့နယ်ပေါင်း ၁၀ ခုလောက်ကိုသိမ်းပိုက် ထိန်းချုပ်ထားပြီ ဖြစ်ပါတယ်။

သတင်း

ကာကွယ်ရေးဝန်ကြီးဌာန အမှတ် (၁)စစ်ဒေသ၏ စစ်ဒေသမှူးလည်းဖြစ်သည့် ဒုဗိုလ်ချုပ်ကြီး ခေါင်လွမ်းအကြောင်း ကာကွယ်ရေးဝန်ကြီး၏ ပြောကြားချက်ကို မေလ ၁၈ရက်တွင် ကာကွယ်ရေးဝန်ကြီးဌာနက ထုတ်ပြန်သည်။

သတင်း

KIA စစ်ဦးစီးချုပ်ဒုဗိုလ်ချုပ်ကြီးခေါင်လွန်းသည် မေလ ၁၃ရက်ညနေတွင် အသဲရောဂါဖြင့် ကွယ်လွန်သွားခြင်းဖြစ်သည်။

သတင်း

အရင် စစ်အာဏာရှင်ဟောင်း ဗိုလ်ချုပ်မှူးကြီး သန်းရွှေလက်ထက်က ရေးဆွဲခဲ့တဲ့ ၂၀၀၈ ဖွဲ့စည်းပုံ အခြေခံ ဥပဒေဟာ စစ်တပ်ကို နိုင်ငံရေး လုပ်ပိုင်ခွင့်အာဏာ ကြီးကြီးမားမား ပေးအပ်ထားခဲ့သလို လွှတ်တော် ကိုယ်စားလှယ် လေးပုံတစ်ပုံကိုစစ်တပ်ကခန့်အပ်ရမယ်လို့ ပြဋ္ဌာန်းထားခဲ့ပါတယ်။