Connect with us

Hi, what are you looking for?

LuduNwayOo

News

လေးကေ့ကော်တိုက်ပွဲ ဖမ်းမိသည့် စစ်ကောင်စီတပ်ဖွဲ့ဝင်များကို လူ့ဂုဏ်သိက္ခာနှင့်အညီ လက်ခံထား KNU ပြော

KNU ဗဟိုမှ အဖွဲ့ဝင်တစ်ဦးကလည်း ဖမ်းမိ စစ်ကောင်စီတပ်ဖွဲ့များကို အစားအသောက်နှင့် နေရာထိုင်ခင်းများ စီစဉ်ထားသည့် ဓာတ်ပုံများကို တွေ့ရကြောင်း ပြော သည်။

–လေးကေ့ကော်ဒေသ၌ စစ်ကောင်စီတပ်က လက်နက်ကြီးဖြင့် ပစ်ခတ်မှု ဆက်လုပ်နေဟုဆို

ကရင်ပြည်နယ် မြ၀တီမြို့နယ် လေးကေ့ကော်ဒေသ တိုက်ပွဲ၌ အရှင်ဖမ်းမိခဲ့သည့် စစ်ကောင်စီတပ်ဖွဲ့ဝင် ၈ဦးကို လူ့ဂုဏ်သိက္ခာနှင့်အညီ လက်ခံထားကြောင်း ကရင်အမျိုးသားအစည်းအရုံး(KNU) တာဝန်ရှိသူ က ပြော သည်။

ဒီဇင်ဘာ ၁၆ရက်က လေးကေ့ကော်မြို့သစ်ဧရိယာ မယ်ထော်သလေး ဒေသ ၌ ဖြစ်ပွားခဲ့သည့် KNU ဦးဆောင်သည့် ပူးပေါင်းအဖွဲ့နှင့် စစ်ကောင်စီတပ်တို့၏ တိုက်ပွဲတွင် စစ်ကောင်စီလက်အောက်ခံတပ်ဖွဲ့ဝင်များ သေဆုံးထိခိုက်မှု ရှိခဲ့ပြီး BGF နှစ်ဦး အပါအဝင် စစ်ကောင်စီတပ်ဖွဲ့ဝင် ၈ဦး ဖမ်းဆီးခံခဲ့ရသည်။

အရှင်ဖမ်းမိခဲ့သည့် ခမရ (၂၇၅) မှ တပ်ဖွဲ့ဝင် ၆ဦးနှင့် BGF တပ်မှ ၂ဦး တို့ကို လေးကေ့ကော် အုပ်ချုပ်ရေးအဖွဲ့ထံ လာရောက်အပ်နှံထား၍ နွေးထွေစွာ ကြိုဆိုပြီးအစားအသောက်နှင့် နေရာထိုင်ခင်းများ လုံခြုံစိတ်ချစွာစီစဉ်ပေးထားသည်ဟု လေးကေ့ကော် အုပ်ချုပ်ရေးအဖွဲ့နှင့် နီးစပ်သူ၏ ပြောကြားချက်ကို ကိုးကားပြီး ကရင်သတင်းဌာန KICတွင် ဓာတ်ပုံများနှင့် အတူဖော်ပြသည်။

Public Service Announcement

Public Service Announcement

KNU ဗဟိုမှ အဖွဲ့ဝင်တစ်ဦးကလည်း ဖမ်းမိ စစ်ကောင်စီတပ်ဖွဲ့များကို အစားအသောက်နှင့် နေရာထိုင်ခင်းများ စီစဉ်ထားသည့် ဓာတ်ပုံများကို တွေ့ရကြောင်း ပြော သည်။

KNU ၏ စစ်သုံ့ပန်းဆိုင်ရာမူဝါဒတွင်လည်း ဖမ်းဆီးရမိသူများကို ဖမ်းဆီးနှိပ်စက်သတ်ဖြတ်ခြင်းမပြုရန် ဖော်ပြထားကြောင်း ၎င်း ကဆိုသည်။

“စစ်သုံ့ပန်းသဘောသဘာ၀နဲ့အညီ ကျွန်တော်တို့ အဖွဲ့အစည်းအနေနဲ့ ကူညီစောင့်ရှောက်ရမှာပေါ့။ KNU မူကတော့ စစ်သုံ့ပန်းကို သတ်ဖြတ်လို့မရဘူး ကောင်း ကောင်းမွန်မွန်စောင့်ရှောက်ရမယ်။ နောက် နိုင်ငံတကာ စံချိန်စံနှုန်းနဲ့အညီပေါ့” ဟု KNU အဖွဲ့ဝင် တစ်ဦးက ပြောသည်။

လေးကေ့ကော်ဒေသ၌ ယနေ့လည်း ပစ်ခတ်မှုများ ရှိသည်ဟု ကြားသိရကြောင်းလည်း ၎င်းက ဆိုသည်။

“ရန်သူ့ဘက်က စစ်တပ်ဘက်က လက်နက်ကြီးပစ်တာ။ လေးကေ့ကော်နဲ့ မနီးမဝေးမှာ အဲဒါလက်နက်ကြီးနဲ့ပစ်တာရှိတယ်” ဟု အဆိုပါ KNU အဖွဲ့ဝင်က ပြောသည်။

အာဏာသိမ်းစစ်ကောင်စီတပ်သည် ဒီဇင်ဘာ ၁၄ရက်တွင် KNU အုပ်ချုပ်ရေးနယ်မြေ လေးကေ့ကော်ဒေသသို့ အင်အားအလုံးအရင်းဖြင့် ဝင်ရောက်ပြီး လွှတ်တော်အမတ်အပါအဝင် လေးကေ့ကော် ဒေသ၌ ခိုလှုံနေသူများကို ဖမ်းဆီးခဲ့ရာ KNUနှင့် စစ်ရေးတင်းမာမှု ဖြစ်ပြီး ဒီဇင်ဘာ ၁၅ရက်တွင် တိုက်ပွဲစတင်ခဲ့သည်။

ဒီဇင်ဘာ ၁၆ရက်တွင်လည်း တိုက်ပွဲဆက်ဖြစ်ခဲ့ရာ နှစ်ရက်အတွင်း စစ်ကောင်စီတပ်ဖွဲ့ဝင် ၂၀ကျော်သေဆုံးကာ ထိခိုက်ဒဏ်ရာရသူများနှင့် ဖမ်းဆီးခံထားရသူများလည်းရှိခဲ့သည်။

ဆက်စပ်သတင်းများ

သတင်း

ဒရုန်းများကို ပိုမိုအသုံးပြုနိုင်လေ စစ်ဆင်ရေးအောင်မြင်စေရန် ပိုမိုအထောက်အကူပြုနိုင်လေဖြစ်ပြီး ရဲဘော်များ ထိခိုက်ဒဏ်ရာရရှိမှုကိုလည်း လျော့ချနိုင်လေဖြစ်သည်ဟု အသိပေးသည်။

သတင်း

တွန်းဇံမြို့သိမ်းတိုက်ပွဲကို ချင်းအမျိုးသားတပ်မတော်(CNA) နှင့် ချင်းကာကွယ်ရေး ပူးပေါင်းတပ်များက မေလ ၁၇ရက်တွင် ဖော်ဆောင်ခဲ့ရာ တစ်ပတ်အတွင်း မြို့ကို သိမ်းနိုင်ခဲ့ပြီး စစ်ကောင်စီတပ်ဖွဲ့ဝင် ၄ဦးခန့် အရှင်ဖမ်းမိကာ လက်နက် ၁၀၀ ကျော်သိမ်းပိုက်ရရှိခဲ့သည်။

သတင်း

စစ်​ကောင်စီဝါဒဖြန့် တယ်လီဟရန်ချန်နယ်များကမူ စစ်တပ်စစ်​ကြောင်းသည် လွိုင်​ကော်မြို့ကိုထိန်းချုပ်နိုင်ပြီဖြစ်​ကြောင်း ဝါဒဖြန့်​နေကြသည်။

သတင်း

ZRA နှင့် စစ်ကောင်စီ အရာရှိပိုင်းအကြား အဆက်အသွယ်ရှိကြောင်း၊ ZRA တပ်ဖွဲ့ဝင်များနှင့် ပြဿနာမဖြစ်စေရန် စစ်ကောင်စီ အရာရှိများက အောက်ခြေကို မှာထားကြောင်း ပြောသည်။