ကရင်အမျိုးသားအစည်းအရုံး(KNU)၏ လမ်းစဉ်၊ လုပ်ငန်းစဉ်များကို တက်စွမ်းသည့်ဘက်မှ တစ်တပ် တစ်အား ပါဝင်ကူညီနိုင်ရန် ဘီးလင်းမြို့နယ်ရှိ ကျေးရွာ ၅၃ရွာတွင် ကရင်လူငယ်အစည်းအရုံး(KYO) ကို ဖွဲ့စည်းခဲ့ကြောင်း KNU သထုံခရိုင်က ထုတ်ပြန်သည်။
သထုံခရိုင်-ကရင်လူငယ်အစည်းရုံး (KYO)မှ ဘီးလင်းမြို့နယ်အတွင်းရှိ ကျေးရွာ ၅၃ရွာတွင် KYO အဖွဲ့ ဖွဲ့စည်းရန် ကွင်းဆင်းစည်းရုံး ဆောင်ရွက်ခဲ့သည်ဟု ဆိုသည်။
သထုံခရိုင် ကရင်လူငယ်အစည်းအရုံး ခရိုင်အဆင့်နှင့် ဘီးလင်းမြို့နယ်-KYOတို့ ပူးပေါင်းပြီး ဆောင်ရွက်ခဲ့ရာ ၅၃ရွာ၌ KYO ဖွဲ့စည်းမှုကို အောက်တိုဘာ ၁၂ ရက်မှ ဒီဇင်ဘာ ၃ ရက်အထိ ရက်ပေါင်း ၅၂ရက်အတွင်း ဆောင်ရွက်ခဲ့ကြောင်း ဖော်ပြထားသည်။
ကျေးရွာအဆင့် (KYO)ဖွဲ့စည်းပေးခြင်းအပြင် ကျေးရွာလူထုအား ကရင့်သမိုင်း၊ လက်ရှိနိုင်ငံရေးအခြေအနေ၊ ကေအဲန်ယူ ကရင်အမျိုးသားအစည်းအရုံး၏ လမ်းစဥ်၊ လုပ်ငန်းစဥ်၊ ဖွဲ့စည်းပုံ အခြေခံဥပဒေနှင့် KYO လမ်းစဥ်၊ လုပ်ငန်းစဥ်၊ ဖွဲ့စည်းပုံအခြေ ခံဥပဒေတို့ကိုလည်း အသိပညာပေး ဆွေးနွေးခဲ့သည်ဟု ထုတ်ပြန်သည်။
Public Service Announcement
KNU သထုံခရိုင်သည် KNU တပ်မဟာ(၁)နယ်မြေဖြစ်ပြီး လတ်တလောတွင် စစ်ကောင်စီတပ်နှင့် တိုက်ပွဲများ မကြာခဏ ဖြစ်ပွားနေသည်။
