ကျဆုံးနွေဦးစစ်သည်တော်နှစ်ဦး၏ စျာပန အခမ်းအနားနှင့် မိသားစုဝင်များအားထောက်ပံ့ငွေပေးအပ်ခြင်းများပြုလုပ်ပေးခဲ့ကြောင်း မြောင်မြို့နယ်ပြည်သူ့ကာကွယ် ရေးနှင့် လုံခြုံ ရေးတပ်ဖွဲ့(CDSOM)က ယနေ့(ဒီဇင်ဘာ ၂၁)ထုတ်ပြန်သည်။
သနပ်ကုန်းကျေးရွာမှ ကျေးရွာလုံခြုံရေးအဖွဲ့ဝင် ကိုမျိုးဝင်အောင်(၃၀)နှစ်နှင့် ရန်နိုင်ထွန်း(၃၆)နှစ်တို့၏ ဇာပနအခမ်းအနားပြုလုပ်ခြင်းနှင့်အတူ ကျန်ရစ်သူမိသားစုများအား ထောက်ပံ့ပေးခဲ့ကြောင်း ထုတ်ပြန်ချက်တွင် ဖော်ပြသည်။
“အာဇာနည်တို့ မြင်မြတ်တဲ့ဘုံဘဝမှာ အေးချမ်းပါစေ။ လုံခြုံပါစေ။ နှောင်ကြိုးတွေဖြတ်ပြီးလွတ်မြောက်ရာမှာရှင်သန်ပါစေ”ဟု နွေဦးစစ်သည်တော်များအတွက် CDSOM က ဆုတောင်းထားသည်။
ထို့အပြင် CDSOM အနေဖြင့် တော်လှန်ရေးအောင်မြင်သည်အထိ ဆက်လက်တိုက်ပွဲဝင်သွားမည်ဟုလည်း နွေဦးစစ်သည်တော်နှစ်ဦး၏ စျာပနအခမ်းအနားတွင် ကတိသစ္စာပြုခဲ့ကြသည်။
Public Service Announcement
အထက်ပါ စျာပနအခမ်းအနားသို့ မြောင်ဒသ ပြည်သူ့ကာကွယ်ရေးတပ်ဖွဲ့များ ဒေသခံပြည်သူများ တက်ရောက်ခဲ့ကြသည်။
