ကလေးမြို့နယ်အတွင်း စစ်ရေးတင်းမာနေ၍ ကလေး-ဂန့်ဂေါ လမ်းမကြီးအား ယခုရက်ပိုင်း မော်တော်ယာဉ်များ ဖြတ်သန်းသွားလာခြင်း လုံးဝမပြုလုပ်ကြပါရန်နှင့် လုံခြုံရေးသတိပြုကြရန် PDF(Kalay)က ယနေ့ သတိပေးချက်ထုတ်ပြန်သည်။
အကြမ်းဖက်စစ်ကောင်စီနှင့် ပြည်သူ့ကာကွယ်ရေးအဖွဲ့များသည်ကလေးနှင့် ဂန့်ဂေါမြို့နယ်စပ်တွင် တိုက်ပွဲပြင်းထန်နေ၍ အထက်ပါအတိုင်း သတိပေးချက် ထုတ်ပြန်ခဲ့ခြင်းဖြစ်သည်။
“ကလေးမြို့နယ်တောင်ပိုင်းတွင် လက်ရှိ စစ်ရေးတင်းမာမှု အခြေအနေများအရ ကလေး-ဂန့်ဂေါ လမ်းမကြီးအား ယခုရက်ပိုင်းအတွင်း မော်တော်ယာဉ်များ ဖြတ်သန်းသွားလာခြင်း လုံးဝမပြုလုပ်ကြပါရန် ကြိုတင် သတိပေးအပ်ပါသည်။ သတိပေးချက်ကို မလိုက်နာဘဲ ဖြတ်သန်းသွားလာခြင်းကြောင့် ဖြစ်ပေါ်လာနိုင်သည့် လုံခြုံရေး အန္တရာယ်နှင့် အကျိုးဆက်များကို သတိပြုစေလိုပါသည်”ဟုဖော်ပြထားသည်။
ကလေးနှင့် ဂန့်ဂေါမြို့ကို စစ်ကြောင်းထိုးလာသည့် အကြမ်းဖက်စစ်ကောင်စီတပ်များကို PDF(Kalay) နှင့် CNDF ပူးပေါင်းတပ်ဖွဲ့များ၊ ယောဒေသပြည်သူကာကွယ်ရေးတပ်များက ခုခံတိုက်ခိုက်နေကြသည်။
Public Service Announcement
