မြန်မာဘက်ခြမ်းမှာတိုက်ပွဲတွေဖြစ်နေပြီး ထိုင်းဘက်ကို လက်နက်ကြီးကျည်ကျတာတွေဖြစ်ပြီးတဲ့နောက် ထိုင်းစစ်တပ်ဟာ သံချပ်ကာကားတွေနဲ့ နှစ်နိုင်ငံ နယ်စပ်တလျောက် မဲဆောက်ဘက်ခြမ်းမှာ ကင်းလှည့်တာတွေကို လုပ်နေတယ်လို့ သိရပါတယ်။
ဒီနေ့မှာ မဲဆောက်က ထိုင်းပြည်သူတစ်ဦးရဲ့နေအိမ်ပေါ် လက်နက်ကြီး ကျည်ကျတာတွေရှိခဲ့တာပါ။
အဲဒီနောက်မှာတော့ ထိုင်းဘက်က လုံခြုံရေးတင်းကျပ်လာသလို နယ်စပ်တလျောက်မှာ သံချပ်ကာကားတွေနဲ့ ကင်းလှည့်နေတာကို ဒေသခံမီဒီယာတွေကိုဖော်ပြထားတာတွေ့ရပါတယ်။
ထိုင်း − မြန်မာ နယ်စပ် နား မှာရှိတဲ့ မြန်မာဘက်ကခြမ်း KNU တပ်မဟာ ၆ ထိန်းချုပ်ရာ လေးကေကော်ဒေသ ကို ဒီဇင်ဘာလ လယ်ပိုင်းက စစ်ကောင်စီတပ်ဖွဲ့ဝင်တွေ ကျုးကျော်လာရာကနေ စစ်ရေးတင်းမာမှုတွေဖြစ်လာပြီး တိုက်ပွဲတွေဖြစ်နေတာပါ။
Public Service Announcement
စစ်ကောင်စီဟာ လေးကေကော်ဒေသကို လက်နက်ကြီးတွေ နဲ့ပစ်ခတ်နေသလို ၊ လေကြောင်းကနေ ဗုံးကြဲတိုက်ခိုက်တာတွေလည်းဆက်တိုက်လုပ်နေပါတယ်။
ဒါကြောင့် လူနေရွာတွေထဲ လက်နက်ကြီးကျလို့ ဒေသခံ ပြည်သူတွေဟာ သောင်ရင်းမြစ်ကို ဖြတ်ပြီး ထိုင်းဘက်ကို ထွက်ပြေးတိမ်းရှောင်နေကြရတာပါ။
