ရန်ကုန်တက္ကသိုလ် ကျောင်းသားတစ်ဦးဖြစ်သည့် ကိုအောင်ဘုန်းကျော်သည် စစ်ကြောရေး၌ ယနေ့(ဒီဇင်ဘာ ၂၇)ကျဆုံးသွားကြောင်း ရန်ကုန်တက္ကသိုလ် ကျောင်းသားများသမဂ္ဂက ထုတ်ပြန်သည်။
ကိုအောင်ဘုန်းကျော်သည် ရန်ကုန်တက္ကသိုလ် ဘူမိဗေဒဌာနမှ တတိယနှစ်ကျောင်းသားတစ်ဦးဖြစ်ပြီး ယမန်နေ့(ဒီဇင်ဘာ ၂၆)က တာမွေမြို့နယ်တွင် စစ်ကောင်စီက မတရားဖမ်းဆီးခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
ထိုသို့အဖမ်းခံရပြီး တစ်ရက်အကြာ စစ်ကြောရေးသို့ ရောက်ရှိနေစဥ် ယခုကဲ့သို့ ကျဆုံးခဲ့ခြင်းဖြစ်ကြောင်း ထုတ်ပြန်ချက်က ဆိုသည်။
ထို့အပြင် ကိုအောင်ဘုန်းကျော်နှင့်အတူ ဘူမိဗေဒတတိယနှစ်ကျောင်းသား ကိုသူရအောင်းလည်း အဖမ်းခံခဲ့ရပြီး လက်ရှိတွင် ကိုသူရအောင်မှာ စစ်ကြောရေး၌ရှိနေဆဲဖြစ်ကြောင်း ထုတ်ပြန်ချက်တွင် ဖော်ပြသည်။
Public Service Announcement
ကိုအောင်ဘုန်းကျော် ကျဆုံးမှုနှင့်ပတ်သက်ပြီး ရန်ကုန်တက္ကသိုလ်ဘူမိဗေဒဌာနမှ ဆရာ၊ ဆရာမများနှင့် ကျောင်းသား၊ ကျောင်းသူများက ဝမ်းနည်းကြောင်းသဝဏ်လွှာ ထုတ်ပြန်ထားသည်။
