စစ်​လေယာဥ်ဖြင့် ပြည်သူများကိုပါ ဗုံးကြဲ၊တိုက်ခိုက်​နေ​သော ​​စစ်လေယာဥ်မှူးများနှင့် မိသားစုများကို လူမှု​ရေးပစ်ဒဏ်ခတ်ရန်လှုပ်ရှားမှု စတင်ပြုလုပ်လာ

ပြည်သူလူထုကို စစ်လေယာဉ်ဖြင့် ဗုံးကြဲနေသည့် အာဏာသိမ်းစစ်ကောင်စီတပ်ှ လေတပ်မှ စစ်ဗိုလ်များနှင့် မိသားစုများစုကို ပြည်သူများက လူမူရေးပြစ်ဒဏ်ခတ်မှု (social punishment) များစတင်လုပ်ကိုင်လာပြီဖြစ်သည်။

လူမှုကွန်ရက်များတွင် နိုင်ငံ့​ဒေသအများစုတွင် ခုခံ​တော်လှန်​နေ​သော ပြည်သူ့ကာကွယ်​ရေးတပ်ဖွဲ့ဝင်များ ၊တိုင်းရင်းသားလက်နက်ကိုင်အဖွဲ့များကိုသာမက ပြည်သူလူထုကိုပါ ဗုံးကြဲတိုက်ခိုက်သတ်ဖြတ်ခဲ့သည့် ​လေယာဥ်​မောင်းများဖြစ်သည့် ​စစ်​ကောင်စီလေတပ်မှ ဗိုလ်ကြီးဝေဖြိုးအောင် (လ-၃၇၀၉) ၊ ဗိုလ်ကြီး ရဲထွဍ်နိုင်( လ-၃၈၄၉) ၊ဗိုလ်ကြီး အောင်ကျော်ဇေယျ( လ-၄၀၄၄) ၊ ဗိုလ်ကြီးကျော်ထက်အောင်( လ-၄၁၈၇) နှင့် ဗိုလ်ကြီးသက်ထွန်းအောင်( လ-၃၈၂၅) တို့နှင့် ၎င်းတို့၏ ​ဖေစ်ဘွခ်အ​ကောင့်၊ မိသားစုများဓါတ်ပုံများကို ​ဖေစ်ဘွခ်တွင် ​ဖော်ပြပြီး လူမှု​ရေးပစ်ဒဏ်( Social Punishment) လုပ်ကြရန်ယ​နေ့ ( ဒီဇင်ဘာ ၂၈ ရက်) ယနေ့မှစတင် နှိုးဆော်လာကြခြင်းဖြစ်သည်။ ထိုသို့ ပြုလုပ်ပြီး မကြာခင်မှာပင် စစ်​ကောင်စီတပ် ​လေယာဥ်မှူးများ၏ အ​ကောင့်များ ပျက်သွားသည်ကို​တွေ့ရသည်။

အကြမ်းဖက်စစ်​ကောင်စီတပ်ကိုခုခံ​တော်လှန်မှု အား ကောင်းနေသည့် ဒေသများနှင့် တိုင်းရင်းသားလက်နက်ကိုင်​ဒေသများတွင် စစ်​ကောင်စီတပ်များအထိ့နာလာပြီး​နောက် စစ်ကောင်စီတပ်က လေကြောင်းတိုက်ခိုက်မူများ ပိုမိုပြုလုပ်လာပြီး အပြစ်မဲ့ပြည်သူများ​သေဆုံး၊ဒဏ်ရာရရှိမှု တိုးလာ​နေသည်။ထိုကြောင့်စစ်အာဏာရှင်အလိုကျ အပြစ်မဲ့ပြည်သူများအပေါ် လေကြောင်းမှ ဗုံးကြဲတိုက်ခိုက်နေသည့် ပိုင်းလော့များနှင့် ၎င်းတို့၏ မိသားစုများကို လူအသိုင်းအဝိုင်းဖယ်ကျဉ်ရန် တိုက်တွန်းလာခြင်းဖြစ်သည်။

အကြမ်းဖက်စစ်ကောင်စီ၏ အလိုကျ ရဟတ်ယာဉ်များ၊ တိုက်လေယာဉ်များ မောင်းနှင်၍ ပြည်သူကို ပစ်ခတ် သတ်ဖြတ်နေသာ လေယာဉ်မောင်း( ပိုင်းလော့) စစ်အရာရှိ ၅၀ ဦး၏ ကိုယ်ပိုင်အမှတ်၊ အဆင့်၊ အမည်နှင့် ရာထူးများ​ကို Operation Spitfire က ထုတ်ပြန်ခဲ့ရာ ​ဖေစ်ဘွခ်လူမူကွန်ယက်တွင် ဒီဇင်ဘာ ၂၄ ရက်မှ စ၍ ပြန့်နှံလာပြီးနောက် ၎င်းတို့ကို လူထုက လူမှုရေးပြစ်ဒဏ်ခပ်ရန် နှိုးဆော်လာခြင်းဖြစ်သည်။

Public Service Announcement

ထိုစာရင်းကို တပ်တွင်းသတင်းများစုစည်းနေသည့် အဖွဲ့တစ်ခုဖြစ်သည့် Operation Spitfireက ထုတ်ပြန်ခဲ့ခြင်းဖြစ်ပြီး ၎င်းတိုထဲတွင် ဗိုလ်အဆင့်မှ ဗိုလ်မှူးအဆင့်ထိ စစ်ကောင်စီ၏ ပိုင်းလော့အရာရှိ ၅၀ ပါဝင်သည်။

ထိုအပြင် Operation Spitfireက စစ်လေယာဉ်၊ ရဟတ်ယာဉ်များဖြင့် အကြမ်းဖက် ပစ်ခတ် သတ်ဖြတ်ရာတွင် ပါဝင်သော စက်မူလက်မူအရာရှိ စာရင်းများကိုလည်း ဒီဇင်ဘာ ၁၁ ရက်ကထပ်မံထုတ်ပြန်ခဲ့သည်။ထိုထဲတွင် ရေဒါ၊ ရေဒီယို၊ လျှပ်စစ်ချိန်ခွက်၊ အင်ဂျင်ကိုယ်ထည်၊ လက်နက်စည့် အင်ဂျင်နီယာလုပ်ငန်းများကို စစ်ကောင်စီအတွက် လုပ်ကိုင်နေသော လေတပ်မှ အရာရှိ ၂၄၀ ဦးပါဝင်သည်။ အခြားသတင်းတစ်ရပ်တွင် အကြမ်းဖက်စစ်​ကောင်စီသည် ​လေတပ်အတွက် စက်မှုလက်မှု သင်တန်းသားများ​ကို ယခင်က ၁၀ တန်း​အောင်များကို​ခေါ်ယူရာမှ ယခုအခါ ၆တန်း​အောင်ထားသူများကိုပင်ခေါ်ယူ​နေသည်။ စစ်တပ်က အာဏာသိမ်းပြီး ပြည်သူများငြိမ်းချမ်းစွာဆန္ဒပြ​တောင်းဆိုမှုများကို မလိုက်​လျောဘဲ ​တိုက်ပွဲသုံးလက်နက်များဖြင့်စစ်​ကောင်စီတပ်များက ပစ်ခတ်သတ်ဖြတ်ခဲ့ပြီး​နောက် စစ်​ကောင်စီတပ်အ​ပေါ် ပြည်သူအများစုက ပုံစံမျိုးစုံဖြင့်သပိတ်​မှောက်သဖြင့် စစ်​ကောင်စီ၏ တပ်သားသစ်စု​ဆောင်းမှုနှင့် စစ်တက္ကသိုလ်များအတွက်သင်တန်းသား​ခေါ်ယူမှုများတွင် ​လျှောက်ထားသူ၊သွားသူမရှိဘဲ စစ်​ကောင်စီတပ်အခက်​​တွေ့နေသည်။ထို​ကြောင့် တပ်သားသစ်ရရန် ​မျိုးစုံဖြေ​လျှော့​နေသည်။

စစ်​ကောင်စီတပ်က ကြည်​ကြောင်းတိုက်ခိုက်မှုများတွင်အထိ့နာပြီး​လေ​ကြောင်းမှ တိုက်ခိုက်ခဲ့​သော​ဒေသများတွင် ဒီ​မောဆို ၊ဗန်း​မောက် ၊ မိုး​မောက် ၊မံစီ ၊ဖားကန့် ၊မိုးညှင်း ၊ထန်တလန် ၊​ဆော ၊ဂန့်​ဂေါ ၊ပင်လည်ဘူး ၊ကျွန်းလှ ၊​ကောလင်း၊ဝန်းသို ၊ကနီ၊ဒီပဲယင်း ၊ပု​လော ၊က​လေး ၊တန်ဆည် ၊​ရေဦး၊​လေး​​ကေ့​ကော်မြို့သစ်( မြဝတီမြို့နယ်) ၊ပုလဲ မြို့နယ်၊ ကိုးကန့်​ဒေသ စသည်တို့ဖြစ်သည်။