မန္တလေး ၊အမရပူရမြို့နယ် အတွင်းက စွယ်တော်ဘုရားအနီး ကညနရုံးမှာ ဒီနေ့ နေ့လယ်ပိုင်း ဗုံးနဲ့တိုက်ခိုက်ခံရလို့ အစောင့်စစ်ကောင်စီတပ်ဖွဲ့ဝင် ၁ ဦးနဲ့အမျိုးသား ၂ဦး ထိခိုက်ဒဏ်ရာရသွားတယ်လို့သိရပါတယ်။
ထိခိုက်ဒဏ်ရာရသူတွေဟာ မစိုးရိမ်ရဘူးလို့လည်းသိရပါတယ်။
ဗုံးပေါက်ကွဲမှုကြောင့် ဒဏ်ရာရရှိသူများရှိပေမယ့် စိုးရိမ်ရတဲ့အခြေနေမှာ မရှိဘူးလို့သိရပါတယ်။
စွယ်တော် ကညနရုံးဟာ ဒီတကြိမ်နဲ့ဆို ဒုတိယအကြိမ် ပေါက်ကွဲမှုဖြစ်တာလည်းဖြစ်ပါတယ်။
မန္တလေးမှာကညနရုံး ၂ရုံးရှိပြီး သိပ္ပံလမ်းပေါ်က ကညနရုံးဟာလည်း မကြာခဏပေါက်ကွဲမှုဖြစ်ပွားတာရှိခဲ့ပါတယ်။
အဲဒီပေါက်ကွဲမှုတွေမှာ ထိခိုက်ဒဏ်ရာရသူတွေလည်းရှိခဲ့ပါတယ်။