ထားဝယ်ခရိုင် သရက်ချောင်းမြို့နယ်တွင်ပျူစောထီးများ စီးနင်းလာသော ကားတစ်စီး မိုင်းဆွဲခံရပြီးနောက် ကျေးရွာများအတွင်း အာဏာသိမ်းစစ်ကောင်စီတပ်သားများက လိုက်လံပစ်ခတ်နေ၍ ဒေသခံပြည်သူများရွာလုံးကျွတ်ထွက်ပြေး နေရကြောင်းဒေသခံများက ပြောသည်။
စစ်ကောင်စီလက်အောက်ခံ ပျူစောထီးစီးနင်းလာသည့် ကားသည် သရက်ချောင်းမြို့နယ် မိုးရွှေဂူရွာထိပ်တွင် မိုင်းဆွဲတိုက်ခိုက်ခံရပြီးနောက် ကျေးရွာအတွင်းသို့ အကြမ်းဖက်စစ်ကောင်စီနှင့်ပျူထီးစောထီးတို့က သေနတ်ဖြင့်ဝင်ရောက်ပစ်ခတ်ခဲ့ခြင်း ဖြစ်သည်။
ထိုအပြင် စော်ဖျားရွာတွင်လည်း အကြမ်းဖက်စစ်ကောင်စီတပ်သားများနှင့် ပျူစောထီးများက လမ်းပိတ်စစ်ဆေးပြီး ရွာအတွင်းကို ဝင်ရောက်ပစ်ခတ်ခဲ့သည်ဟု ဒေသခံများက ဆိုသည်။ စစ်ကောင်စီတပ်များက စော်ဖျားရွာရှိ နေအိမ်လေးလုံးကိုမီးရှို့ဖျက်ဆီးပြီး အခြားအိမ်တစ်ခုမှပစ္စည်းများကို ခိုးယူသွားခဲ့ကြောင်းဒေသခံများကပြောသည်။ စစ်ကောင်စီတပ်သားများ ဝင်ရောက်ပစ်ခတ်မူများကြောင့် စော်ဖျားရွာအတွင်း ပြည်သူအများစုမှာလည်း ထွက်ပြေးတိမ်းရှောင်နေရသည်ဟု ဒေသခံများက ဆိုသည်။
ဒီဇင်ဘာ ၂၅ ရက်ကလည်း သရက်ချောင်းမြို့နယ်ရှိ ပိန်းတောရွာနှင့် သရက်နှစ်ခွရွာ အနီးတို့တွင် စစ်ကောင်စီယာဥ်တန်းများကို ထားဝယ်ခရိုင်ပြည်သူ့ကာကွယ်ရေးပူးပေါင်းတပ်က မိုင်းဆွဲတိုက်ခိုက်ခဲ့သေးသည်။
Public Service Announcement
ယခုအခါထားဝယ်မြို့နှင့် ထိုင်းနယ်စပ်ကြားရှိ ထားဝယ်-မေတ္တာလမ်းပိုင်းတွင် အကြမ်းဖက်စစ်ကောင်စီတပ်များက အင်အားအလုံးအရင်းဖြင့် တပ်စွဲနေရာယူနေသည်ဟု ဒေသခံများကပြောသည်။
