နွေဦးတော်လှန်ရေး ငွေတိုက်စာချုပ်များကို ဒစ်ဂျစ်တယ် ငွေကြေးစနစ်ဖြင့် USDT Stablecoin ဝယ်ယူနိုင်ပြီဖြစ်ကြောင်း အမျိုးသားညီညွတ်ရေးအစိုးရက ယနေ့(ဒီဇင်ဘာ ၂၈ တွင်)ထုတ်ပြန်လိုက်သည်။
တစ်လကြာရပ်နားထားသည့် ငွေတိုက်စာချုပ်များကို ပြန်လည်ဝယ်ယူနိုင်ပြီဖြစ်ထုတ်ပြန်ရာတွင် အထက်ပါနည်းလမ်းနိုင်ငံတကာရှိ ငွေတိုက်စာချုပ်ကိုယ်စားလှယ်ထံမှလည်း တိုက်ရိုက်ငွေပေးချေစနစ်ဖြင့်လည်း ဝယ်ယူနိုင်ပြီဖြစ်ကြောင်းအမျိုးသားညီညွတ်ရေးအစိုးရ(NUG)အဖွဲ့က ထုတ်ပြန်လိုက်ခြင်းဖြစ်သည်။
ထိုအပြင် အမျိုးသားညီညွတ်ရေးအစိုးရ၏ဘဏ်စာရင်းကို တိုက်ရိုက်ငွေလွှဲသည့်စနစ်ဖြင့်လည်း မကြာခင်ပြန်လည်ဝယ်ယူနိုင်တော့မည်ဟုလည်းဖော်ပြထားသည်။ ဝယ်ယူရနိုင်မည့် ရက်ကို ကြိုတင်အသိပေးသွားမည်ဟု ဆိုသည်။
NUGက cryptocurrency တစ်ခုဖြစ်သည့် USD-Tether (USDT)ကို ပြည်တွင်းသုံး ဒစ်ဂျစ်တယ်ငွေကြေးအဖြစ် ဒီဇင်ဘာ ၁၁ ရက်တွင် ခွင့်ပြုပေးခဲ့ခြင်းဖြစ်သည်။
Public Service Announcement
နွေဦးတော်လှန်ရေးရန်ပုံငွေအတွက် NUGက ငွေတိုက်စာချုပ် ဒေါ်လာ တစ်ဘီလီယံဖိုးကို နိုဝင်ဘာ ၂၃ ရက်စတင် ထုတ်ရောင်းချခဲ့ခြင်းဖြစ်ပြီး ငွေလွဲစနစ်များ အဆင်မပြေခြင်းကြောင့် နိုဝင်ဘာ ၂၉ ရက်မှစ၍ ခေတ္တရပ်နားထားရခြင်းဖြစ်သည်။
