အကြမ်းဖက် စစ်ကောင်စီတပ်က ဖရူဆိုမြို့နယ် မိုဆိုရွာအနီး မီးရှို့သတ် ဖြတ်ခဲ့သည့် ပြည်သူများ၏ အလောင်းများကို ယနေ့(ဒီဇင်ဘာလ ၂၉ ရက်) နံနက် ၁၀ ခွဲတွင် မိဘဆွေမျိုးများနှင့် ကရင်နီ ရဲဘော်များက မြေမြုတ်သဂြိုလ်ပေးခဲ့ကြောင်း ကရင်နီဒေသ အခြေစိုက် ကန္တာရဝတီတိုမ်းက သတင်းဖော်ပြသည်။
စစ်ဆေးချက်အရ စုစုပေါင်းအလောင်း၃၃ လောင်းနှင့် ကျိုးပဲ့နေသောအပိုင်းအစတို့ကို တစ်ပါးတည်းမြုတ်နှံခဲ့ကြောင်း ဒေသခံများ၏ ပြောကြားချက်ကို ဖော်ပြသည်။
စစ်ကောင်စီတပ်သည် ဒီဇင်ဘာ ၂၄ရက်က ဖရူဆို ဒေသခံ ၃၅ဦးကို ဖမ်းဆီးပြီး ကားပေါ်တင် မီးရှို သတ်ဖြတ်ခဲ့ရာ ယင်းသတ်ဖြတ်ခံရသူများထဲတွင် ကလေးငယ် နှင့် အမျိုးသမီးများပါဝင်ကြောင်း၊ ထို့ပြင် Save the Children မှ ဝန်ထမ်း၂ဦး လည်း ပါဝင်ကြောင်း သက်ဆိုင်ရာ အဖွဲ့များက အတည်ပြုထုတ်ပြန်ထားသည်။