နေပြည်တော်က ပါတီဝင်တွေ အိမ်ကိုသွားရောက်တဲ့ခရီးစဉ်နဲ့ပတ်သက်ပြီး ကိုဗစ်စည်းကမ်းချိုးဖောက်တယ်ဆိုကာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပေါ် စွဲဆိုထားတဲ့အမှုကို အပြီးသတ်အမိန့် ဇန်နဝါရီလ ၁၀ ရက် မှာ ချဖို့ တရားရုံးကသတ်မှတ်လိုက်ပါတယ်။
ရွေးကောက်ပွဲမတိုင်ခင်က နေပြည်တော် ၊ ဇဗ္ဗူသီရိမြို့နယ်၊ ရွှေကြာပင်ရပ်ကွက် မှာရှိတဲ့ NLD ပါတီ ဝင် အချို့ရဲ့နေအိမ်ကိုသွားရောက်လည်ပတ်တာဟာ ကိုဗစ်စည်းကမ်း ချိုးဖောက်တယ်ဆိုပြီး စစ်ကောင်စီရဲ့ ကမ်းလှမ်းမှုနဲ့ NLD ပါတီဝင်ဟောင်း ဦးညီညီဆိုသူက သဘာဝဘေးအန္တရာယ်စီမံခန့်ခွဲမှု ဥပဒေပုဒ်မ ၂၅ နဲ့တရားစွဲဆိုထားတာပါ။
ထောင်ဒဏ် ၃ နှစ်အထိ ချလို့တဲ့ ဒီအမှုကို အမိန့်ချမယ့် ရက် ဟာ ၂ ကြိမ်တိုင်ရွှေ့ဆိုင်းလိုက်ပြီးနောက် ဇန်နဝါရီလ ၁၀ ရက်မှာအမိန့်ချ ဖို့ တရားရုံးကသတ်မှတ်လိုက်တာဖြစ်ပါတယ်။
