စစ်ကိုင်းတိုင်း ထီးချိုင့်မြို့နယ် ဧရာဝတီမြစ်ကြောင်းအတွင်း ခုတ်မောင်းလာသော စစ်ကောင်စီတပ်သဘ်ောနှစ်စီးကို ရှေ့ထွက်မိုင်း ငါးလုံးဖြင့် အနီးကပ်ဖောက်ခွဲတိုက်ခိုက်ခဲ့ကြောင်း မြို့ပြပြောက်ကျားတပ် Eagles Army – HPDF က ယနေ့(ဇန်နဝါရီ ၃)ထုတ်ပြန်သည်။
ယနေ့နေ့လယ်ပိုင်းက စစ်ကောင်စီတပ် သဘ်ောနှစ်စီးအား ရှေ့ထွက်မိုင်း ငါးလုံးဖြင့်အနီးကပ်တိုက်ခိုက်သည့်အပြင် M79 ဖြင့် ခြောက်ချက်ပစ်ခတ်ခဲ့ရာ နှစ်ချက်မှာ သဘ်ောပေါ်ကျရောက်ခဲ့ကြောင်း ထုတ်ပြန်ချက်တွင် ဖော်ပြသည်။
ထို့အပြင် လက်နက်ကြီး ခြောက်လက်ဖြင့်ကမ်းပါးနှစ်ဖက်စလုံးမှ ပစ်ခတ်ခြင်း၊ လက်နက်ငယ်များဖြင့် ဝိုင်းဝန်းပစ်ခတ်ခဲ့ခြင်းတို့ကြောင့် စစ်ကောင်စီဘက်မှ ၂၀ ဦးခန့်သေဆုံးသည်ဟု HPDF က ဆိုသည်။
အဆိုပါတိုက်ခိုက်မှုဖြစ်စဥ်အတွင်း စစ်ကောင်စီတပ်ဘက်မှ လက်နက်ကြီး ၁၀ချက်ပစ်ခတ်ခဲ့ရာ ငါးချက်မှာ မိုင်းသမားများအနီး ကျခဲ့ပြီး PDF တစ်ဦးမူးမေ့ကာ တစ်ဦးဒဏ်ရာအနည်းငယ်ရရှိခဲ့သည်ဟု HPDF က အသိပေးသည်။
Public Service Announcement
ဒဏ်ရာရရှိခဲ့သော PDF တပ်ဖွဲ့ဝင်နှစ်ဦးမှာ အသက်အန္တရာယ်မစိုးရိမ်ရဘဲ ဖွဲ့သားများအားလုံး အောင်မြင်စွာ ဆုတ်ခွာနိုင်ခဲ့ကြောင်း ထုတ်ပြန်ထားသည်။
