အင်း​တော်တွင် စစ်​ကောင်စီယာဥ်တန်းကို KIAနှင့် PDF ပူး​​ပေါင်းတိုက်ခိုက်သဖြင့် ဗိုလ်ကြီးအပါအဝင် ၂၄ဦး​သေ

မြစ်ကြီးနားမှ မန္တလေးဘက်သို့ ဆင်းလာသည့် အကြမ်းဖက်စစ်ကောင်စီယာဉ်တန်းကို ကချင်လွတ်လပ်​ရေးတပ်မ​တော်(KIA)နှင့် PDF ပူးပေါင်း၍ အင်းတော်မြို့နယ်အတွင်း နှစ်ကြိမ် ကြားဖြတ်တိုက်ခိုက်ခဲ့ရာ စစ်ကောင်စီဘက်က ဗိုလ်ကြီးတစ်ဦးအပါအဝင် ၂၄ဦး သေဆုံးကြောင်း အင်းတော် PDFက သတင်းထုတ်ပြန်သည်။

ဇန်နဝါရီ ၃ရက် နေ့လယ်က အင်အား ၅၀ ကျော်လိုက်ပါလာသော စစ်ကောင်စီ ရှေ့ပြေးယာဉ်တန်းကို အင်းတော်မြို့နယ်၊ စီပိန်းကျေးရွာနှင့်ဖားပန့် ကျေးရွာကြားတွင်KIAနှင့် IPDF (ကသာခရိုင် IPDF တပ်ရင်း-၂) ပူးပေါင်းအဖွဲ့က တိုက်ခိုက်ခဲ့သည်။ ယင်းသို့ တိုက်ခိုက်ခံရမှုကြောင့်စစ်ကူရန်လာသည့် စီပိန်းကျေးရွာဘက်မှလာသော စစ်ကားတစ်စီးကို အသင့်စောင့်နေသည့် KIA နှင့် PDF ပူးပေါင်းအဖွဲ့က ထပ်မံပစ်ခတ် တိုက်ခိုက်ခဲ့ရာဗိုလ်ကြီး တစ်​ဦးအပါအဝင် စစ်​ကောင်စီတပ်သား ၂၄ ဦးသေဆုံးပြီး အများအပြား ဒဏ်ရာရရှိခဲ့​ကြောင်း အင်းတော် PDF က သတင်းထုတ်ပြန်သည်။

” ပထမ စစ်ကားမှာ သုံးမရအောင်ပျက်စီးသွားပြီး လမ်းဘေးတွင်ပစ်ထားခဲ့ရသည်။စစ်ကူလိုက်လာသော ကားမှ စစ်ခွေးများသည် လက်နက်ကြီးများဖြင့် ပတ်ဝန်းကျင်သို့ သွေးရူးသွေးတမ်း ရမ်းသမ်းပစ်ခတ်ပြီး အလောင်းများတင်ဆောင်ကာ ထွက်ခွာသွားကြသည်။။KIA+PDF ပူးပေါင်းတပ်ဖွဲ့ဝင်များအထိအခိုက်မရှိအောင်မြင်စွာဆုတ်ခွာနိုင်ခဲ့ကြသည်”ဟု သတင်းထုတ်ပြန်ချက်တွင်​ဖော်ပြထားသည်။

KIAနှင့်PDF ပူးပေါင်းတပ်ဖွဲ့က အင်အား ၄၀ဖြင့် တိုက်ခိုက်ရန် ကြိုတင်စီမံခဲ့သော်လည်း ၁၀ ဦးသည် ဝင်ရောက်တိုက်ခိုက်ခဲ့ရခြင်းမရှိခဲ့ဟု အင်းတော် PDF က သတင်းထုတ်ပြန်သည်။

Public Service Announcement

KIAသည် စစ်ကိုင်းတိုင်းအတွင်း ရှိ​ဒေသအချို့တွင်​PDF များနှင့်ပူး​ပေါင်းပြီး စစ်​ကောင်စီတပ်များကိုခုခံတိုက်ပွဲဝင်နေသည်။ယမန်နေ့ တိုက်ခိုက်ခံရမှုတွင်အထိနာသွား
သောစစ်ကောင်စီတပ်က ၎င်း၏ တပ်ဖွဲ့ဝင်များကိုကယ်ထုတ်ရန်လေကြောင်းမှ ကူညီတိုက်ခိုက်ခဲ့သည်။