ရန်ကုန်မြို့ သာကေတမြို့နယ် လျှပ်စစ်မန်နေဂျာရုံး (EPC) အတွင်းရှိ စစ်ကောင်စီတပ်ကားတစ်စီးပေါ်သို့ လက်ပစ်ဗုံးပစ်၍ တိုက်ခိုက်ခဲ့ကြောင်း ဗမာ့နောက်ဆုံးတော်လှန်ရေးလက်နက်ကိုင်တပ်ဖွဲ့(B.F.R.A.F)ကသတင်းထုတ်ပြန်သည်။
ဇန်နဝါရီ ၆ ရက် နေ့လယ်၂ နာရီ ၄၅ မိနစ်တွင် ယင်းစစ်ဆင်ရေးကို ဆောင်ရွက်ခဲ့ခြင်းဖြစ်ပြီး ဗုံးပစ်တိုက်ခိုက်သည့် အချိန်၌ စစ်ကောင်စီလက်ပါးစေများ ကားအနီး တွင်ရှိသော်လည်း ထိခိုက်မှုအတိအကျကိုမှု မသိရသေးကြောင်း ယင်းတပ်ဖွဲ့မှတာဝန်ရှိသူတစ်ဦးက ပြောသည်။
ပြည်သူများ မီတာခ မပေးဆောင်ရရန်အတွက် ရည်ရွယ်လုပ်ဆောင်ခြင်းဖြစ်ပြီး အာဏာသိမ်းစစ်ကောင်စီများကို ပျောက်ကြားနည်းဖြင့်တိုက်ခိုက်မည်ဖြစ်သောကြောင့် ပြည်သူများအနေဖြင့် စစ်ကောင်စီအဖွဲ့ဝင်များရှိသော နေရာများသို့ သွားလာခြင်းမပြု လုပ်ရန်လည်း သတိပေးထားသည်။
B.F.R.A.F အဖွဲ့သည် ဇန်နဝါရီ ၅ ရက် ညကလည်း ဒေါပုံမြို့မရဲစခန်းအတွင်းသို့ လက်ပစ်ဗုံးပစ်၍ တိုက်ခိုက်ခဲ့ရာ စစ်ကောင်စီလက်ပါးစေတစ်ဦးသေဆုံးပြီး တစ်ဦးဒဏ်ရာရရှိခဲ့သည်။
Public Service Announcement
