Connect with us

Hi, what are you looking for?

LuduNwayOo

News

အရပ်သားများအပေါ် စစ်ကောင်စီ၏ လူသားမဆန်ကျူးလွန်မှုများကို ပြင်းထန်စွာ ကန့်ကွက်ရှုံ့ချကြောင်း PPST ထုတ်ပြန်

မြန်မာနိုင်ငံ၏ လက်ရှိနိုင်ငံရေးအကျပ်အတည်းကို ဖြေရှင်းနိုင်ရေးအတွက် သက်ဆိုင်သူများအားလုံး ပါဝင်သော အဓိပ္ပါယ်ပြည့်၀သည့် နိုင်ငံရေးဆွေးနွေးပွဲများဖြင့်သာ ဖြေရှင်းနိုင်မည်ဟု ယုံကြည်ကြောင်း PPSTက ထုတ်ပြန်သည်။

ဖရူဆိုမြို့နယ်တွင် ပြည်သူ ၃၀ ကျော်ကို မီးရှို့သတ်ဖြတ်ခဲ့မှု၊ လေးကေ့ကော်မြို့သစ်သို့ အကြမ်းဖက်တိုက်ခိုက်မှု နှင့် အခြားဒေသ များရှိ အမျိုးသမီးများ၊ကလေးများနှင့်သက်ကြီး ရွယ်အိုများအပါအဝင် အရပ်သားများအပေါ် စစ်ကောင်စီ၏ လူသားမဆန် ကျူးလွန်မှုများအပေါ် ပြင်းထန်စွာ ကန့်ကွက်ရှုတ်ချကြောင်း NCAလက်မှတ်ထိုး တိုင်းရင်းသားခေါင်းဆောင်များဖြင့် ဖွဲ့စည်းထားသည့် ငြိမ်းချမ်းရေးလုပ်ငန်းစဉ် ဦးဆောင်အဖွဲ့(PPST)က ထုတ်ပြန်သည်။

PPST အစည်းအဝေးကို ဇန်နဝါရီ ၅ရက်နှင့် ၆ရက်က ကျင်းပခဲ့ရာ အစည်းအဝေးအပြီးတွင် ကြေညာချက် ထုတ်ပြန်ခဲ့ခြင်းဖြစ်သည်။

လက်ရှိ နိုင်ငံရေးအကျပ်အတည်း ဖြေရှင်းရေးအတွက် နိုင်ငံတကာအဖွဲ့အစည်းများ၊ ကုလသမဂ္ဂအထူးကိုယ်စားလှယ်၊ အာဆီယံနိုင်ငံများအပါအဝင် နိုင်ငံတကာ၏ ကြားဝင် စေ့စပ်ဖြေရှင်းမှုများသည် မြန်မာနိုင်ငံ၏ ပကတိ နိုင်ငံရေးအခြေအနေနှင့်အညီ လက်တွေ့ကျကျ ဆောင်ရွက်နိုင်ရေးကို PPST အနေဖြင့် ကြိုးပမ်းသွားမည်ဖြစ်ကြောင်းလည်း ဖော်ပြထားသည်။

မြန်မာနိုင်ငံ၏ လက်ရှိနိုင်ငံရေးအကျပ်အတည်းကို ဖြေရှင်းနိုင်ရေးအတွက် သက်ဆိုင်သူများအားလုံး ပါဝင်သော အဓိပ္ပါယ်ပြည့်၀သည့် နိုင်ငံရေးဆွေးနွေးပွဲများဖြင့်သာ ဖြေရှင်းနိုင်မည်ဟု ယုံကြည်ကြောင်း PPSTက ထုတ်ပြန်သည်။

နိုင်ငံရေးပြဿနာများကို အင်အားသုံးဖြေရှင်းမှုများကြောင့် အပြစ်မဲံပြည်သူများ သေကြေခြင်း၊ အတိဒုက္ခမျိုးစုံခံစားရခြင်း၊ လူမှုစီးပွားရေးများ နိမ့်ဆင့်သွားခြင်း လူငယ်များ၏ အနာဂတ်များ ပျောက်ဆုံးသွားရမှုများအတွက် PPST အနေဖြင့် အထူးတုန်လှုပ်ဝမ်းနည်းရကြောင်း၊ နိုင်ငံရေးပြဿနာများကို နိုင်ငံရေးဆွေးနွေးခြင်းဖြင့် ဖြေရှင်းကြရန် သက်ဆိုင်ရာအစုအဖွဲ့အားလုံးကို ပန်ကြားကြောင်း ထုတ်ပြန်ခဲ့သည်။

You May Also Like

မေးမြန်းခန်း

စစ်ကောင်စီဘက်က တပ်ဖွဲ့ဝင်​တွေသေဆုံးမှုရှိခဲ့ပြီး လက်နက်မျိုးစုံ ၄၀ ကျော်ကို ချင်းပူးပေါင်းတပ်ဖွဲ့က သိမ်းပိုက်ခဲ့ပါတယ်။

သတင်း

ယမန်နေ့ မွန်းလွဲပိုင်းက ရေဦးမြို့ပေါ်မှထွက်လာသော စစ်ကောင်စီတပ်ကို တော်လှန်ရေးအင်အားစုများက ဒရုန်းဖြင့်တိုက်ခိုက်ခဲ့သေးသည်။

သတင်း

စစ်ကောင်စီလက်အောက်ခံ စစ်ရေးပစ်မှတ်နှစ်ခုအား ပစ်ခတ်တိုက်ခိုက်မှုများတွက် စစ်ကောင်စီဘက်မှ ထိခိုက်မှုရှိနိုင်သော်လည်း အတည်ပြုစုံစမ်းဆဲဖြစ်ကြောင်း Eagle Force က အသိပေးထားသည်။

သတင်း

ယမန်နေ့ (ဖေဖော်ဝါရီ ၈ရက်)က ရေဦးမြို့မှထွက်လာသော အင်အား ၉၀ကျော်ပါ စစ်ကောင်တပ်စစ်ကြောင်းကို ကံသစ်ကျေးရွာနှင့် ခင်ဦးမြို့ကြားတွင် ဒရုန်းဖြင့် ဗုံးသီးချတိုက်ခိုက်ခဲ့ကြောင်း RTGF ပြန်ကြားရေးတာဝန်ခံက ပြောသည်။