Connect with us

Hi, what are you looking for?

LuduNwayOo

News

ဖရူဆို အစုလိုက်အပြုံလိုက်သတ်ဖြတ်မှုကျူးလွန်ခဲ့​သောစစ်​သားများ နှုတ်ပိတ်မခံရမီ ထွက်​​ပြေးရန် NUGဝန်ကြီးတိုက်တွန်း

မိုဆိုရွာတွင် အရပ်သားများအား အစုလိုက်အပြုံလိုက် လူသတ်မှုကျူးလွန်ခဲ့သည့် စစ်ကောင်စီတပ်ဖွဲ့မှာ ဒေသကွတ်ကဲမှုစစ်ဌာနချုပ်(လွိုင်ကော်)လက်အောက်ခံ ဖရူဆိုအခြေစိုက် ခမရ(၅၃၁)နှင့် တပ်မ(၆၆)လက်အောက်ခံတပ်ဖွဲ့ဝင်များ ဖြစ်သည်ဟု ကရင်နီပြည်နယ်ရဲတပ်ဖွဲ့ကသတင်းထုတ်ပြန်ထားသည်။

(အကြမ်းဖက်စစ်​ကောင်စီတပ်ကပြည်သူများကို ကား​ပေါ်တင် မီးရှို့သတ်ဖြတ်ခဲ့သည်)

ဖရူဆို အစုလိုက်အပြုံလိုက်လူသတ်မှု ကျူးလွန်ခဲ့သည့် စစ်ကောင်စီတပ်သားများ နှုတ်ပိတ်ခံရမည်ကိုစိုးရိမ်ရပြီးနှုတ်ပိတ်မခံရခင် လွတ်ရာသို့ထွက်ပြေးရန် NUGအစိုးရ၏ ပြည်​ထောင်စုဝန်ကြီးဒေါက်တာတူးခေါင်က တိုက်တွန်းလိုက်သည်။

အမျိုးသားညီညွတ်ရေးအစိုးရ(NUG)၏ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီးက ယနေ့(ဇန်နဝါရီ ၁၀)တွင် သူ၏​ဖေစ့်ဘွခ်တွင်​ရေးသားတိုက်တွန်းထားခြင်းဖြစ်သည်။ အိုင်စီ​ဂျေတွင် ဥ​ရောပတရားရုံးအထိ့သွား​ရောက်၍ သက်​သေထွက်ခဲ့သည်မှာလည်း ရခိုင်ပြည်နယ်တွင် ဖြစ်ခဲ့​သော လူသတ်မှုတွင်ပါဝင်ခဲ့​သော တပ်မ​တော်သားများပင်ဖြစ်​ကြောင်းလည်း ၎င်းက​ရေးသားထားသည်။

“ဖရူဆို နဲ့ စစ်ကိုင်းတိုင်းဖက်က အစုလိုက်အပြုံလိုက် သတ်ဖြတ်မီးရှို့သွားတဲ့ ကိစ္စဟာ စစ်ခေါင်းဆောင်တွေအတွက် ရာဇဝတ်မှု အကြီးစား ဖြစ်ပါတယ်။ လွတ်လမ်းမရှိပါဘူး။ သူတို့ထဲကပဲ သက်သေထွက်ဆိုမဲ့ လူတွေ ထွက်လာမယ် ဆိုတာလဲ သိနေမှာအမှန်ဖြစ်တယ်။ ဒီတော့
သူတို့နဲ့ နီးစပ်တဲ့ မိသားစုတွေ အနေနဲ့ နှုတ်ပိတ်မခံရခင် မြန်မြန်လစ်ဖို့ အကြံပေး ပါရစေ” ဟု ဒေါက်တာတူးခေါင် ကရေးသားတိုက်တွန်းထားသည်။

ယခုအချိန် ထွက်​ပြေး၍ ပြည်သူနှင့်ပူး​ပေါင်းလျှင် လက်နက်ပါလျှင် သိန်း ၅၀ ပင်ရရှိဦးမည်ဖြစ်​ကြောင်းဆက်လက်​ရေးသားထားသည်။

Public Service Announcement

Public Service Announcement

ပြီးခဲ့သည့် ဒီဇင်ဘာလ ၂၄ရက်က ကယားပြည်ဖရူဆိုမြို့၊ မိုဆိုရွာအနီးတွင် အရပ်သား ၄၇ ဦးထက်မနည်းကို အကြမ်းဖက်စစ်ကောင်စီက မီးရှို့သတ်ဖြတ်ခဲ့သောကြောင့် ယင်းကဲ့သို့ အစုလိုက်အပြုံလိုက် လူသတ်မှုကို အရေးယူနိင်ရေးအတွက် နိုင်ငံတကာရာဇဝတ်ခုံရုံးတို့ တင်ပြမည်ဟု NUGက သတင်းထုတ်ပြန်ထားသည်။

မိုဆိုရွာတွင် အရပ်သားများအား အစုလိုက်အပြုံလိုက် လူသတ်မှုကျူးလွန်ခဲ့သည့် စစ်ကောင်စီတပ်ဖွဲ့မှာ ဒေသကွတ်ကဲမှုစစ်ဌာနချုပ်(လွိုင်ကော်)လက်အောက်ခံ ဖရူဆိုအခြေစိုက် ခမရ(၅၃၁)နှင့် တပ်မ(၆၆)လက်အောက်ခံတပ်ဖွဲ့ဝင်များ ဖြစ်သည်ဟု ကရင်နီပြည်နယ်ရဲတပ်ဖွဲ့ကသတင်းထုတ်ပြန်ထားသည်။

ဆက်စပ်သတင်းများ

သတင်း

ရွာကုန်းကြီးရွာရှိ ကြားကာလစာသင်ကျောင်း ဗုံးနှစ်လုံးကြဲတိုက်ခိုက်ခံရပြီး ယင်းနေရာအနီးဘောလုံးကွင်းသို့ တစ်လုံးကျရောက်ပေါက်ကွဲခဲ့သည်။

ဘာသာပြန် ဆောင်းပါး

မြန်မာနိုင်ငံရဲ့ ပဋိပက္ခတွေဟာ ဖြေရှင်းလို့ မရတဲ့ အခြေအနေ မဟုတ်ပါဘူး။ နိုင်ငံရဲ့ တည်ငြိမ်အေးချမ်းမှုကို တကယ်တမ်း လိုလားတယ်ဆိုရင် နိုင်ငံတကာ အသိုက်အဝန်းဟာ ပြည်သူတွေရဲ့ စိတ်ဆန္ဒကို အမှန်တကယ် ထင်ဟပ် ကိုယ်စားပြုတဲ့ လှုပ်ရှားမှုတွေမှာ အားပေး ထောက်ခံရပါမယ်။

သတင်း

ယခု ဇွန်လဆန်းပိုင်းမှ စတင်၍ စစ်ကောင်စီသည် ပြည်သူလူထု အများဆုံးအသုံးပြုသည့် ဖေ့ဘုတ်နှင့် မက်ဆန်ဂျာ အသုံးပြုမှုခက်ခဲစေရန် VPN ပိတ်ဆို့မှုကို တိုးမြှင့်လုပ်ဆောင်နေ​ကြောင်း သိရသည်။

သတင်း

လက်ရှိတိုက်ပွဲများ မည်သည့်အချိန်၌ ပြီးမလဲဆိုသည်မှာ စစ်ကောင်စီဘက်က မည်သို့ တုန့်ပြန်သည်ဆိုသည့် အခြေနေနှင့် သက်ဆိုင်သည်ဟု ၎င်းက ပြောသည်။