မုံရွာပါဆယ်ဗုံးတိုက်ခိုက်မှုတွင် ၁၂ နှစ်အရွယ်က​လေးငယ်​သေဆုံးမှုအထူးဝမ်းနည်း​ကြောင်း၊တာဝန်ခံ​ကြောင်းမဟာမိတ်အဖွဲ့များထုတ်ပြန်

ယမန်နေ့ ဇန်နဝါရီလ ၁၀ ရက် ညနေပိုင်းက တမာတန်းမီးပွိုင့်ပေါက်ကွဲမှုဖြစ်စဥ်တွင် ဗုံးစထိမှန်သော ၁၂ နှစ်အရွယ်ကလေးငယ်တစ်ဦး သေဆုံးသွားပြီဖြစ်ကြောင်း ယနေ့နံနက်တွင် ဝမ်းနည်းစွာ ကြားသိရကြောင်း၊ ပြည်သူကိုမထိခိုက်စေရန် သတိထားလုပ်ဆောင်ပါသော်လည်း ကံမကောင်းခြင်းများစွာဖြင့် ထိမှန်ခဲ့ရခြင်းဖြစ်ကြောင်း၊ ထိုဖြစ်ရပ်ကို ညီနောင်မဟာမိတ်များမှ အပြည့်အဝတာဝန်ရှိပါကြောင်း ဝန်ခံပြောကြားပါသည်ဟု မြို့ပြ​ပြောက်ကျားအဖွဲ့များက အသိပေးသည်။

မိဘပြည်သူများအနေဖြင့် အလားတူ ထိခိုက်မှုမျိုးမဖြစ်စေရန် ကြေညာချက်များအပေါ် အလေးထားလိုက်နာစေလိုကြောင်း၊ မဟာမိတ်အဖွဲ့များသည် အလားတူ ဖြစ်ရပ်များ ထပ်မံမပေါ်ပေါက်စေရန် အထူးသတိကြီးစွာ ရှောင်ရှားမည်ဖြစ်ပြီး မိဘပြည်သူများဘက်ကလည်း ကြေညာချက်များကို လိုက်နာဆောင်ရွက်ပေးရန် အနူးအညွတ်ပန်ကြားအပ်ကြောင်း ထုတ်ပြန်ချက်တွင် ဖော်ပြသည်။

ယမန်နေ့ ဇန်နဝါရီလ ၁၀ ရက် ညနေ ၅ နာရီခန့်က မုံရွာမြို့၊ တမာတန်းမီးပွိုင့်တွင် မဟာမိတ်အဖွဲ့များက ပါဆယ်ဗုံးချထားခဲ့ရာ အိမ်စီးကားဖြင့် လာရောက်စစ်ဆေးစဥ် ပေါက်ကွဲခဲ့ပြီးအကြမ်းဖက် စစ်ကောင်စီမှ ၇ ဦးအနက် ၂ ဦးပွဲခြင်းပြီးသေဆုံးပြီး ၂ ဦးမှာ ဆေးရုံအရောက်တွင် သေဆုံးသွားကြောင်း မြို့ပြပျောက်ကြားအဖွဲများထုတ်ပြန်ထားသည်။ ပြည်သူများအ​နေဖြင့် စစ်​ကောင်စီတပ်ဖွဲ့ဝင်များနှင့် ​ဝေး​ဝေး​နေကြရန် မဟာမိတ်အဖွဲ့များက အသိ့​ပေးထားသည်။