မင်းတပ်တွင် စစ်​ကောင်စီက လမ်းတစ်​လျှောက် ​တောမီးရှို့ပြီး နင်းမိုင်းများ​ထောင်ထားဟု CDFထုတ်ပြန်

မင်းတပ်မြို့နယ်တွင် အကြမ်းဖက်စစ်ကောင်စီတပ်များက လမ်းတစ်လျှောက် တောမီးများရှို့ပြီး အများပြည်သူ သွားလာရာလမ်းမများပေါ်တွင် နင်းမိုင်းများထောင်ခဲ့ကြောင်း ချင်းပြည်ကာကွယ်ရေးတပ်ဖွဲ့CDF- (မင်းတပ်) က ယနေ့ သတင်းထုတ်ပြန်သည်။

အကြမ်းဖက်စစ်ကောင်စီတပ်များ တင်ဆောင်လာသည့်မော်တော်ယာဉ်တန်းသည် မင်းတပ်မြို့မှ မိုင်တိုင် (၅၆) ကို ရောက်ရှိလာပြီး လမ်းတစ်လျှောက် တောမီးများ ဆက်တိုက်ရှို့နေကာ မိုင်တိုင် (၄၅) လမ်းခွဲတွင် နင်းမိုင်းများထောင်နေခြင်းဖြစ်သည်ဟု CDF-(မင်းတပ်) ကသတင်းထုတ်ပြန်သည်။

အကြမ်းဖက်စစ်ကောင်စီထောင်ထားသည့် နင်းမိုင်းများကို CDF(မင်းတပ်)က ဖောက်ခွဲရှင်းလင်းခဲ့ရသည်ဟုလည်း သတင်းထုတ်ပြန်ထားသည်။

အကြမ်းဖက်စစ်ကောင်စီတပ်မှာ မော်တော်ယာဉ်အစီး ၉၀ ပါဝင်သည့် ယာဉ်တန်းသည် ဇန်နဝါရီ ၉ ရက်ကတည်းက မင်းတပ်မြို့မှ မတူပီမြို့ကို ဦးတည်ထွက်ခွာလာခြင်းဖြစ်သည်။ ထိုယာဉ်တန်းကို CDF(မင်းတပ်) ကလမ်းတစ်လျောက် လိုက်လံတိုက်ခိုက်နေခြင်းဖြစ်သည်။

Public Service Announcement

ဇန်နဝါရီ ၁၁ ရက်တွင် အကြမ်းဖက်စစ်ကောင်စီ ယာဉ်တန်း၏ ရှေ့ပြေးကင်းနှင့် CDF (မင်းတပ်)တို့ ​နေ့လယ်၁၂နာရီက မိုင်တိုင် (၃၉)တွင် တိုက်ပွဲဖြစ်ပွားခဲ့သည်။ နှစ်ဖက်အကျအဆုံးမရှိဟု CDF(မင်းတပ်)က ထုတ်ပြန်ထားသည်။

ထိုနေ့ ညနေ ၅နာရီတွင် မိုင်တိုင် (၄၂)၌ အကြမ်းဖက်စစ်ကောင်စီယာဉ်တန်းကို CDF (မင်းတပ်)က ခြုံခိုတိုက်ခိုက်မှုကြောင့် အကြမ်းဖက်စစ်ကောင် တပ်သား၄ ဦးသေဆုံးခဲ့သည်။

ထိုနောက် မိုင်တိုင် (၄၅)တွင် ထိုယာဉ်တန်းကို မိုင်းခွဲတိုက်ခိုက်ရာတွင် အကြမ်းဖက်စစ်ကောင်စီသား သုံးဦးသေဆုံးခဲ့သည်ဟု ခန့်မှန်းရကြောင်း CDF(မင်းတပ်) သတင်းထုတ်ပြန်ထားသည်။